image

Эссэнс, сэрум, ампул хоорондоо ямар ялгаатай вэ, хэрхэн хэрэглэх вэ

 

Арьс арчилгааны хамгийн эхэнд хэрэглэдэг Тонер гэх бүтээгдэхүүн бол арьсыг хөнгөн чийгшүүлж үхэжсэн арьсыг цэвэрлэж өгдөг бол үүний дараа түрхдэг Эссэнс, Сэрум, Ампул гурав нь яг тухайн арьсны асуудлыг шийдэж өгөх үүрэгтэй бүтээгдэхүүнүүд юм. Харин хамгийн сүүлд түрхдэг чийгшүүлэх тос бол эдгээр түрхсэн бүтээгдэхүүнүүдийн орц найрлагыг гадагшаа ууршуулахгүйгээр түгжиж хадгалах болон давхар чийгшүүлэх үүрэгтэй байдаг.

Тэгвэл Эссэнс, Сэрум, Ампул гурав ямар ялгаатай юм бэ, гурвууланг нь хамт хэрэглэж болох уу, гэж хүмүүс их асуудаг.

Энэ гурван бүтээгдэхүүн маань гурвуулаа ямар нэгэн арьсны асуудалд чиглэсэн нэгээс хоёр ширхэг идэвхтэй найрлагыг өндөр хувиар нягтаршуулж хийсэн буюу тухайн идэвхтэй найрлагыг өндөр тунгаар концентрацжуулсан бүтээгдэхүүнүүд гэдгээрээ адил талтай.

Жишээ нь гол орц найрлага нь гиалуроны хүчилтэй энгийн чийгшүүлэх тос эссэнс хоёр байлаа гэж бодъё. Тэгвэл гиалуроны хүчлийн концентрацын хувьд эссэнс нь чийгшүүлэх тосноос зургаа дахин их агууламжтай байдаг. Гэхдээ эссэнс, сэрум, ампул гурав маань үйлчилгээ, зорилго нь адил боловч хоорондоо концентрацынхаа хэмжээгээрээ өөр өөр. Хамгийн өндөр концентрацитай нь ампул байдаг бол дараагийх нь сэрум, хамгийн бага нь эссэнс байдаг.

Essence < Serum < Ampoule

Ампул хамгийн өндөр концентрацтай учраас ампул нь хамгийн сайн гэсэн үг бол биш. Юм болгон ихдэхээрээ хор болдог шүү дээ. Тухайн үеийн арьсныхаа шинж байдлыг ажиглаж байгаад энэ гурваасаа аль нэгийг нь л сонгож хэрэглэнэ гэсэн үг. Зүйрлэж тайлбарлавал эссэнсийг хоолтой зүйрлэж болно. Бидний биед хоол орж байж эрүүл байдаг. Тэрэнтэй адил эссэнс арьсанд чухал шаардлагатай тэжээлийг хангаж байдаг тул өдөр тутам хэрэглэхэд тохиромжтой.

Харин сэрумыг нэмэлт витамины бэлдмэлтэй зүйрлэж болно. Биед төмөр дутагдахаар төмрийн бэлдмэл ууж дутагдлаа нөхдөгтэй адил сэрум нь эссэнсээс арай өндөр концентрацтай тул арьсанд дутагдаад байгаа тухайн бодисыг нөхөж өгч эрүүлжүүлдэг. Тиймээс  сэрумыг мөн өдөр тутам хэрэглэхэд тохиромжтой.

Ампулыг эмтэй зүйрлэж болно. Бидний бие өвдөж өвчилсөн үед эм ууж байж л хурдан хугацаанд эдгэрдэгтэй адил ампул маш өндөр концентрацтай учраас яг эм шиг хурдан үйлчилгээтэй гэж ойлгож болно. Гэхдээ эдгэчихээд л эмээ уугаад байдаггүй шүү дээ. Тийм учраас ампулыг өдөр тутам хэрэглэх нь тохиромжгүй бөгөөд асуудалтай үедээ л хэсэг хугацаанд хэрэглэх зориулалттай. Гэхдээ энд жижиг жижиг 10гр 15гр-аар савлагдсан ампулын тухай яригдаж байгаа шүү. Сүүлийн үед бүтээгдэхүүн үйлдвэрлэгчид хэрэглэгчдийг татах үүднээс сэрумыг, ампул гэж нэрлэж худалдаалах нь элбэг болсон. 30гр, 50грын савлагаатай ампул гэж бичсэн бүтээгдэхүүнүүд бол дийлэнх нь сэрумтай адил бүтэц концентрацтай байдаг гэж ойлгож болно.

Тэгэхээр та өдөр тутамд арьсныхаа асуудалд тохирсон эссэнс юмуу сэрумын аль нэгийг нь л сонгоод хэрэглэх нь байна. Хамтад нь хэрэглэвэл өндөр тунтай олон орц найрлагууд хоорондоо харших, арьс эмзэгших, юм гарах гэх мэт асуудал үүсэх магадлал өндөртэй байдаг. Нэг бүтээгдэхүүнд тухайн өндөр концентрацтай идэвхтэй найрлагаас гадна дор хаяж 20-оос 30 төрлийн нэмэлт орц найрлага орсон байдаг учраас олон юм давхарлаж түрхэх нь арьсанд төдийлөн сайн үр дагавар авчирдаггүй. Мэдээж ганц хоёрхон орц найрлагаас бүтсэн эссэнс сэрумыг хоорондоо харшихгүй бол хамт хэрэглэж болно. Гэхдээ ийм энгийн найрлагатай бүтээгдэхүүн маш ховор байдаг.

Харин яаралтай хурдан үйлчилгээ шаардлагатай үед ампулыг тодорхой хугацаанд хэрэглэх нь үр дүнтэй байдаг.

Нэмж хэлэхэд 'First essence' гэсэн бичигтэй бүтээгдэхүүнүүд бол орц найрлагын хувьд тонертэй адил бүтэцтэй учраас тонерын оронд хэрэглэдэг.

 

0 Сэтгэгдэл:

Сэтгэгдэл илгээх

Image 11
25

ЭЕРЭГ ХАНДЛАГА НЬ ЭРҮҮЛ, УРТ УДААН АМЬДРАЛД НӨЛӨӨЛДӨГ

Амьдрал тань ямар байх нь тохиолдож буй зүйлсээс 10хувь, тэдгээрт хэрхэн хандаж буй хандлагаас тань 90 хувь нь шалтгаална.

Цааш үзэх
Image 11
25

Стив Жобсын үлдээсэн сүүлийн захидал | Биеэ бодож, бусдыг хүндэлж, хайрлах...

"Apple Inc" компанийн CEO Steve Jobs-ын хүүхдүүддээ үлдээсэн сүүлийн захиа!

Цааш үзэх
Image 11
24

Кикигийн хүргэлтийн үйлчилгээ | Өсвөр насны хүүхэддээ заавал үзүүлэх анимэ

“Кикигийн хүргэлтийн үйлчилгээ” бол Хаяао Мияазакийн дэлгэцийн бүтээл болгон амилуулсан бас нэгэн алдартай бүтээл. Шулам болохоор суралцаж байгаа 13 настай Кики охин шинэ хотод нүүн ирж, нисдэг шүүрнийхээ тусламжтай хүргэлтийн үйлчилгээ үзүүлнэ. Хүүхдүүдийн хамгийн хайртай шулмын адал явдлын санааг Японы зохиолч Эйко Каданогийн 1985 онд бичсэн ижил нэртэй романаас авчээ.

Цааш үзэх
Image 11
24

ЦАГ АГААР | Улаанбаатар хотод шөнөдөө цас орохгүй, өдөртөө цас орно

УЛААНБААТАР ХОТ ОРЧМООР: Үүлшинэ. Шөнөдөө цас орохгүй, өдөртөө цас орно. Салхи хойноос секундэд 5-10 метр. Шөнөдөө Яармаг-Сонгины орчмоор 21-23 градус, бусад хэсгээр 13-15 градус, өдөртөө 7-9 градус хүйтэн байна.

Цааш үзэх