Дэлхийн телевизийн түүхэн дэх хамгийн алдартай ситкомуудын нэг “Найзууд” (Friends) цуврал анхны ангиа цацсанаас хойш өнөөдөр 32 жил болж байна. Тус цувралын анхны анги 1994 оны есдүгээр сарын 22-нд АНУ-ын NBC телевизээр үзэгчдийн хүртээл болжээ. Нийт 10 улирал, 236 ангитай “Найзууд” цуврал 2004 оны тавдугаар сарын 6-нд сүүлийн ангиа цацсан юм.
Нью-Йорк хотод амьдардаг Рэйчел, Росс, Моника, Чэндлер, Жоуи, Фиби гэх зургаан найзын нөхөрлөл, хайр дурлал, ажил, амьдралын тухай өгүүлэх тус бүтээл дэлхий даяар олон үзэгчтэй болж, поп соёлд томоохон нөлөө үзүүлсэн цувралуудын нэг болсон билээ.
“Найзууд” цувралыг Дэвид Крэйн, Марта Кауффман нар бүтээсэн бөгөөд Женнифер Энистон, Кортни Кокс, Лиза Кудроу, Мэтт Леблан, Мэттью Перри, Дэвид Швиммер нар гол дүрүүдийг бүтээжээ.
Анхны анги цацагдсанаас хойш 32 жил өнгөрсөн ч “Найзууд” шинэ үеийн үзэгчдэд хүрсээр, телевизийн цувралуудын хамгийн алдартай бүтээлүүдийн нэг хэвээр байна.
