Азийн мисс, жүжигчин Ц.Аззаяа Тайланд улсын Бангкок хотноо зохион байгуулж буй “Miss Grand International” тэмцээнд эх орноо төлөөлөн оролцож байгаа билээ. Нийт 58 орны гоо бүсгүйчүүд өрсөлдөж буй уг тэмцээний ялагч энэ сарын 30-нд тодрох юм. Манай Улсын мисс Ц.Аззаяагийн тухай “SIAM108” албан ёсны хуудастаа нийтэлжээ.
“SIAM108” нь Тайландын entertainment, celebrity, beauty pageant, lifestyle чиглэлийн мэдээ, сошиал контент нийтэлдэг медиа хуудас/сайт юм. Ихэвчлэн Miss Grand, Miss Universe зэрэг тэмцээний оролцогчид, алдартнууд, олны анхаарлын төвд байгаа сэдвүүдийн талаар нийтлэл хийдэг.
“SIAM108” тус нийтлэлдээ: Анхаараарай! Монголын оролцогч Цогт-Очирын Аззаяа өвөрмөц төрх, тайзны хүчирхэг аураагаараа өдөр бүр олныг гайхшруулж байна.
MGI ALL STAR тэмцээний тайзнаа хүчтэйгээр ялгарч буй оролцогчдын нэг бол Монгол Улсыг төлөөлөн оролцож буй Цогт-Очирын Аззаяа юм. Түүний загварын тайзны моделиудыг санагдуулам өвөрмөц дүр төрх, содон нүүрний төрх, тайз эзэмдэх онцгой аура нь үзэгчдийн анхаарлыг өдөр бүр татсаар байна. Будалт, үс засалт, хувцаслалт гээд бүх төрх бүрдүүлэлт нь олон улсын загварын моделиудтай эн зэрэгцэхүйц төгс мэдрэмжийг илэрхийлдэг.
Монгол Улсын төлөөлөгч Цогт-Очирын Аззаяа MGI ALL STAR тэмцээнд анх танилцуулагдсан цагаасаа эхлэн цахим орчинд хүчтэй ярианы сэдэв болоод байна. Түүний өвөрмөц төрх гоо бүсгүйн тэмцээний хорхойтнуудын анхаарлыг шууд татаж, бусад оролцогчдоос онцгой ялгарч чаджээ.
Түүний хамгийн их яригдаж буй онцлог нь өндөр загварын тайзны моделиудыг санагдуулам, этгээд атлаа дэгжин төрх юм. Үүн дээр тайван, хүйтэн мэт хэрнээ өөртөө итгэлтэй харизм нэмэгдсэнээр камерын өмнө гарах бүрдээ хүчтэй сэтгэгдэл үлдээж байна. Street fashion хэв маяг, тансаг high-fashion төрх эсвэл энгийн casual хувцаслалтад ч тэр өөрийн өнгө төрх, зан чанарыг төгс илэрхийлж чаддаг.
Мөн олон фенүүд түүний жижиг деталь бүрдээ анхаардаг байдлыг онцлон магтаж байна. Будалт, үс засалт, сонгосон хувцаслалт бүр нь нэгдсэн, хүчтэй стилийг илэрхийлдэг бөгөөд энэ жилийн тэмцээний хамгийн өндөр мэдрэмжтэй fashion sense-тэй оролцогчдын нэгээр нэрлэгдэх болжээ.
Сошиал орчинд гоо бүсгүйн тэмцээний үзэгчид Цогт-Очирын Аззаяагийн дахин давтагдашгүй төрх, мартагдашгүй имиджийг өндрөөр үнэлсээр байна. Олон хүн түүнийг уламжлалт beauty queen хэв маягаас өөр, орчин үеийн шинэ үеийн гоо үзэсгэлэнгийн төлөөлөл хэмээн харж байгаа юм.
Хурц тод визуал төрх болон загварлаг, fashion-forward мэдрэмжээрээ Цогт-Очирын Аззаяа MGI ALL STAR тэмцээний хамгийн анхаарал татаж буй оролцогчдын нэг болоод байна. Фенүүд нь Монголын гоо бүсгүй цаашид ч тэмцээний турш мартагдашгүй олон мөчийг бүтээнэ гэдэгт итгэлтэй байгаа аж.
