2026 оны Victoria’s Secret Fashion Show аравдугаар сарын 18-нд болно. Сүүлийн хоёр жил Нью-Йоркт болсон алдарт шоу энэ удаа Лос-Анжелес руу шилжиж байна.
Брэндийн бүтээлч удирдагч Adam Selman энэ жилийн шоуг өмнөхөөс нь илүү том, илүү зоримог болгохоор төлөвлөжээ. Түүний тайлбарласнаар бэлтгэсэн бүхнийг багтаах тохиромжтой орон зай Нью-Йоркт олдоогүй учраас байршлаа сольсон байна.
Тайзнаа Gigi Hadid, Alex Consani, Paloma Elsesser, Abby Champion нар алхах нь батлагдаад байгаа бөгөөд моделиудын бүрэлдэхүүнд шинэ нэрс үргэлжлэн нэмэгдэнэ.
Харин хөгжмийн үзүүлбэрүүдийг KATSEYE, Tate McRae, Megan Thee Stallion, Megan Moroney нар толилуулна. Сүүлийн хоёр жилийн адил энэ удаа ч хөгжмийн бүрэлдэхүүн бүхэлдээ эмэгтэй уран бүтээлчдээс бүрдэж байна.
Энэ жилийн онцлох үйл явдлын нэг нь шинэ сахиусан тэнгэрийн шалгаруулалт юм. Нээлттэй сонгон шалгаруулалтын оролцогчдын замналыг “Angels Among Us” баримтат цувралаар харуулж байгаа бөгөөд ялагчийг шоуны үеэр зарлаж, алдарт тайзнаа алхуулах аж.
Бас энэ жил анх удаа АНУ-ын арван кино театрт шоуг шууд дамжуулна. Ингэснээр үзэгчид загвар, хөгжмийн энэ үдшийг том дэлгэцээр хамтдаа үзэх боломжтой болжээ.
Монголын үзэгчид аравдугаар сарын 19-ний өглөө 07:30-аас Victoria’s Secret-ийн YouTube, Instagram, TikTok сувгаар шууд үзэх боломжтой.
Та энэ жилийн шоунаас хэнийг хамгийн их хүлээж байна?
