БНСУ-д сүүлийн зургаан жилийн хугацаанд нас барсан гадаад оюутнуудын таван хүн тутмын нэг нь амиа хорлосон тохиолдол байсан талаар The Korea Times мэдээлжээ.
Тус улсын Боловсролын яам 350 орчим их, дээд сургуулийг хамруулан цуглуулсан мэдээллээ парламентын гишүүн Ким Мүн Сүд хүргүүлсэн байна. Уг мэдээллээр 2021 оноос 2026 он хүртэл БНСУ-ын их, дээд сургуульд суралцаж байсан 84 гадаад оюутан нас баржээ. Эдгээр тохиолдлын ойролцоогоор тавны нэг нь амиа хорлолттой холбоотой байсан нь гадаад оюутнуудын сэтгэцийн эрүүл мэндийн дэмжлэг, тусламж үйлчилгээг сайжруулах шаардлагатай гэсэн асуудлыг дахин хөндөж байна.
БНСУ-д суралцаж буй гадаад оюутнуудын тоо нэмэгдэхийн зэрэгцээ тэд шинэ орчинд дасан зохицохдоо хэлний бэрхшээл, танил бус соёлын орчин, хичээл сургалтын дарамт зэрэг хүндрэлтэй тулгардаг талаар тус хэвлэл онцолжээ. Иймээс гадаад оюутнуудад зориулсан сэтгэл зүйн зөвлөгөө, сэтгэцийн эрүүл мэндийн тусламж үйлчилгээний хүртээмжийг нэмэгдүүлэх шаардлагатай хэмээн үзжээ.
Эх сурвалж: The Korea Times
