Хьюмэн Зэт ХХК нь 2019 оны арваннэгдүгээр сарын 1-ний өдрөөс эхлэн үйл ажиллагаагаа тогтмол явуулж буй мэдиа компани юм. Хэвлэл мэдээллийн humanz.mn сайт болон контент үйлдвэрлэл, арга хэмжээ зохион байгуулах, төсөл хөтөлбөр хэрэгжүүлэх чиглэлээр үйл ажиллагаа явуулдаг. Мэргэжлийн сэтгүүлч нар уламжлалт болон орчин үеийн бүхий л хэлбэрийг ашиглан олон нийтэд мэдээлэл өгдөг гэдгээрээ давуу талтай. Мөн нийгмийг сайн сайхан уриалах, нийгмийн сэтгэл зүйд эерэгээр нөлөөлөх, зөв амьдралын хэв маягийг түгээх бодлого барин ажилладаг.
Мөнхбаярын Баасандэлгэр
Үүсгэн байгуулагч
HumanZ.mn сайтын үүсгэн байгуулагч, ерөнхий эрхлэгч. 2017 онд МУБИС-ийн Сэтгүүл зүйн тэнхимийг төгссөн. Зууны мэдээ сониноос ажлын гараагаа эхэлсэн бөгөөд itoim.mn, newspress.mn, news.mn зэрэг сайтад ажилласан туршлагатай. UNCOOL номын зохиогч. “Шук нийтлэв” хуудсын админ. Залууст улс төр, нийгмийн тухай ойлголт өгөх зорилготой “Томчуудаас асууя” нэвтрүүлгийг хөтөлдөг.
Мөнхбатын Мөнхсолонго
Контент менежер, сэтгүүлч
HumanZ.mn сайтын контент хариуцсан менежер, сэтгүүлч. 2017 онд МУБИС-ийн Сэтгүүл зүйн тэнхимийг төгссөн. HumanZ.mn сайтыг үүсгэн байгуулагдсан цагаас хойш ажиллаж байгаа бөгөөд контент сувгийг голлон хөгжүүлдэг. Сонирхолтой зочдыг урин ярилцдаг ихрүүдийн шоу нэвтрүүлэг хөтөлдөг.
Мягмарсүрэнгийн Янжиндулам
Сэтгүүлч, контент жүжигчин
HumanZ.mn сайтын сэтгүүлч, контент жүжигчин. 2019 онд МУИС-ийг Утга зохиол судлаач мэргэжлээр төгссөн. Их сургуулиа төгссөн жилдээ HumanZ.mn сайтад сэтгүүлчээр орж өнөөдрийг хүртэл ажиллаж байна. Үндсэн мэргэжлээс гадна жүжиглэх авьяастай. National miss 2016, Pure beauty 2017 шагналтай. HumanZ.mn сайтын From Inna буланг хөтөлдөг.
Мөнхбатын Үйлсдэлгэр
Сэтгүүлч, сошиал хөгжүүлэгч
HumanZ.mn сайтын сэтгүүлч, сошиал хөгжүүлэгч. 2022 онд МУБИС-ийн Сэтгүүл зүйн тэнхимийг төгссөн. Сургуулиа төгсөөд Humanz.mn сайтаас ажлын гараагаа эхэлсэн. Үндсэн ажлаас гадна HUMANZ мэдиа багийн цахим хуудсуудыг хөгжүүлдэг. Залуу үеийн төлөөллүүдийн дуу хоолойг олон нийтэд хүргэх Z club контентыг хөтөлдөг.
Мөнхбатын Мөнх-Отгон
Сэтгүүлч, сошиал хөгжүүлэгч
HumanZ.mn сайтын сэтгүүлч, сошиал хөгжүүлэгч. 2022 онд МУБИС-ийн Сэтгүүл зүйн тэнхимийг төгссөн. Сургуулиа төгсөөд Humanz.mn сайтаас ажлын гараагаа эхэлсэн. Үндсэн ажлаас гадна HUMANZ мэдиа багийн цахим хуудсуудыг хөгжүүлдэг. Залуу үеийн төлөөллүүдийн дуу хоолойг олон нийтэд хүргэх Z club контентыг хөтөлдөг.
Мөнхбаярын Дэлгэрмаа
Зураглаач, эвлүүлэгч
HumanZ.mn сайтын зураглаач, эвлүүлэгч. Хэвлэл мэдээллийн салбарт ажилласан туршлагатай. HumanZ START UP сувгийн контент болон HumanZ.mn сайтын эрхлэн гаргадаг нэвтрүүлэг тус бүрийг гардан хийдэг.