Бид цаг ямагт хөгжиж, мэдлэгээр тархиа цэнэглэж, өрсөлдөх чадвараа нэмэх ёстой цаг үед амьдарч байна. Тиймээс гар утсаараа сонсоод өөртөө мэдлэг, хандлага, сэтгэл зүйн дархлаа өгөх шилдэг подкаст сувгуудыг танилцуулъя.
ИДЭРЭЭ ПОДКАСТ
Call Pro компанийн үүсгэн байгуулагч Б.Идэр-Од нь подкастын зочноо маш өндөр цензуртай сонгодог. Тиймдээ ч сонсогч олон талын мэдлэгийг богино хугацаанд авч чаддаг. Салбар бүрийн төлөөлөл оролцсон тул чиний хайж байгаа дугаар байгаа гэдэгт итгэлтэй байна.
МАНДУУЛЫН ПОДКАСТ
Хөтлөгч Б.Мандуул нь урьсан зочноосоо чанартай асуулт асуудаг. Аливаа зүйлийг арай өөр өнцгөөс хардаг болоход энэ контент тусална.
ХҮЛЭЭЛГИЙН ӨРӨӨ
Хүмүүс бодохдоо энэ подкастыг эмэгтэйчүүдэд зориулсан гэж боддог. Гэтэл насанд хүрсэн хүн бүрийн амьдралд тулгардаг сэдвээр чөлөөтэй ярилцдаг, туршлага хуваалцаж, итгэл найдвар өгдөг контент бол Хүлээлгийн өрөө юм.
UNLOCK ПОДКАСТ
Дэлхийн алдартай номуудыг тоймлон подкаст болгодог суваг. Таны уншиж амжаагүй бүтээлийг илүү ойлгомжтойгоор танд хүргэнэ. Заавал сонсоорой.
СЭХЭЭТЭН ПОДКАСТ
Хувь хүний хөгжил, манлайллын тухай мэргэжлийн хүмүүстэй ярилцдаг суваг. Өсвөр насны хүүхдүүдэд эерэг нөлөө үзүүлэх олон дугаар байдаг.
СЭТГЭЛЗҮЙЧ ПОДКАСТ
Та өөрийн мэдрэмж, гаргаж байгаа үйлдэл, зан аашийн өөрчлөлтөө яагаад үүсдэгийг мэдэх үү. Харилцаанд гардаг асуудлыг сэтгэл зүйн талаас нь тайлбарлахыг хүсдэг үү. Сэтгэл зүйн эрүүл мэндийг тань аварч, тодорхой хэмжээний мэдээлэл өгөх өгөөжтэй суваг
IDEAPLUS ПОДКАСТ
Шинэхэн төгсөгч нарт санал болгоё. Ажлын байран дээр дөнгөж гарч байгаа залуу боловсон хүчин нарт жим болох, карьерын тухай бүх зүйлийг туршлагатай хүмүүсийн туулд өнгөрүүлсэн бүхэн дээр суурилан ярилцдаг.
Хэрэв та дээрх долоон сувгийн бүх подкастыг сонсож, тэмдэглэл хөтөлбөл одоо байгаагаасаа гурван алхам илүү урагшилсан байх болно. Өөрөө өөртөө багш гэдэг шиг бие даан боловсролтой иргэн болоорой.
