Аз жаргалтай амьдрах гэдэг нь зөвхөн гаднаас ирэх зүйлсээс хамааралтай биш, харин сэтгэл зүрхнээс эхлэлтэй. Бидний нэг өдөр амьдралынхаа жижиг жижиг хэсгүүдийг хэрхэн хүлээн авч, түүнийг хэрхэн мэдэрч байгаагаас ихээхэн хамаардаг. Аз жаргал нь бусад хүмүүс эсвэл гадаад хүчин зүйлсээс хамааралтай байх ёсгүй. Тэгвэл өөрийнхөөрөө, аз жаргалтай амьдрахын тухайд дараах алхмуудаас эхлэх болов уу…
Хамгийн түрүүнд, өөрийгөө хүлээн зөвшөөрөх. Бид ихэнхдээ өөрсдийгөө бусдын хараа, сэтгэгдлээс хэт их хамааруулдаг. “Бусад хүн юу гэж бодох бол?” гэж байнга санаа зовсноороо бид өөрийгөө бусдад тааруулан амьдардаг. Харин аз жаргалтай байхын тулд, өөртөө итгэлтэй байх, өөрийнхөөрөө амьдрах хамгийн чухал.
Түүнчлэн, жижиг зүйлсээс аз жаргал олж харж сурах нь амьдралыг илүү баяр баясгалантай болгодог. Гэр бүлийнхэнтэйгээ хамт ярилцаж, найзуудтайгаа хуваалцах, зүгээр л нэг аяга халуун цай уух эсвэл дуртай номоо унших нь аз жаргал авчирдаг…
Өдөр бүр өөрийнхөө сэтгэл зүйгээ хайрладаг байх нь аз жаргалтай амьдралд чухал нөлөөтэй. Бидний сэтгэл санаа өдөр бүр өөрчлөгдөж байдаг бөгөөд сөрөг болон эерэг мэдрэмжүүдээ аль алийг нь хүлээн зөвшөөрөх хэрэгтэй. Мөн өдөр тутамдаа иога, дасгал хөдөлгөөн хийх нь таны сэтгэл санааг тэнцвэртэй байлгаж, аз жаргалд хүрэхэд тусална.
Өөрийгөө хүндэлж, хайрлахыг хичээх. Бид бусдыг уучилж, хайрлаж чаддаг хэрнээ өөрийгөө үргэлж л голж, шүүмжилж, хойш тавьдаг. Магадгүй зарим зүйлд сайн биш байж болох ч бүх зүйлд тийм биш шүү дээ. Тиймээс уучлах, хайрлах орон зайг өөртөө заавал өгөөрэй.
Эцэст нь хэлэхэд аз жаргалтай амьдрах гэдэг нь зөвхөн өнгөрсөн болон ирээдүйд биш, одоо байгаа амьдралдаа анхаарал хандуулах юм. Амьдралд аз жаргал мэдрэхэд бидний сэтгэл зүрхний эрх чөлөө, өөрийгөө үнэлэх чадвар, жижиг зүйлсээс мэдрэх аз жаргал хамгийн чухал.
Энэ хүртэл уншсан уншигч танд өөрийгөө хайрлаж, өөрийгөө олж, өөрийгөө уучилж аз жаргалтай амьдраарай гэж ерөөе.
