Хар кофе уух нь биеийн жинг бууруулдаг эсэх талаар олон маргаантай сэдвүүд байдаг. Тэгвэл дэлхийн эрүүл мэндийн байгууллагаас гаргасан мэдээ мэдээллийг хүргэе.
Кофены хамгийн чухал найрлага болох кафейн нь хүний биеийн дулаан ялгаруулалтыг эрчимжүүлдэг буюу хүний биеийн дулаанд шууд нөлөөлдөг. Энэ нь хүний өөх шатаах үйл явцыг өдөөж бие махбодийн энерги зарцуулах горимыг идэвхжүүлдэг гэсэн үг.
Түүнчлэн кафейн хоолны дуршил бууруулдаг нь батлагдсан ба өдөрт авах илчлэгийн хэмжээ багассанаар мэдээж жин буурахад чухал нөлөөтэй.
Кофе нь дотроо хлороген хүчил, полифенол гэх мэт био идэвхтэй нэгдлүүдийг агуулдаг. Энэ нь бидний биед орсноороо метаболизм буюу бодисын солилцоог эрчимжүүлдэг. Ийнхүү энергийн эх үүсвэрийг задалж, нүүрс ус, өөх тос, уургийн солилцоог эрчимжүүлэх зэрэг бодисын солилцоонд эерэг нөлөө үзүүлдэг гэж тэмдэглэжээ. Бодисын солилцооны түвшин өссөнөөр та дасгал хөдөлгөөн хийхгүй энгийн амарч байх үедээ шатаах калорийн тоо ч өсөх юм давуу талтай.
Хамгийн сүүлд мэдээж кофены өгөх эрч хүч хүнийг идэвхитэй байлгах, дасгал хөдөлгөөн хийх хугацааг уртасгах гэх мэтээр калоре шатаалтыг дэмжиж өгдөг.
