Хятадад өсвөр насны хүү унаж амиа алдсаныг тус улсын эрх баригчид нуун дарагдуулсныг баруун хойд Шэньси мужаас авсан видео бичлэг ил болгосноор улс даяар хүчирхийллийн эсрэг жагсаал өрнөөд байна.
CNN-ийн баталгаажуулсан видео бичлэг дээр олон арван жагсагчид Пученгийн технекийн сургуулийн гадаа цагдаа нарын хамгаалалтыг эсэргүүцэж, зарим нь цагдаа нар руу бороохой болон бусад зүйлс шидэх харагдана.
Жагсагчдын нэг нь хаалга руу гал унтраагч шидэж, шилийг нь хага цохижээ. Үүний хариуд цагдаа нар жагсагчидтай улам ширүүн харьцаж, заримыг нь зодож, заримыг нь газар шидэж байлаа.
Эсэргүүцлийн гол шалтгаан нь Данг овогтой, тус сургуульд гурав дахь жилдээ суралцдаг өсвөр насны сурагч нас барсан явдал байв. Пучен хотын орон нутгийн эрх баригчид Данг нэгдүгээр сарын 2-нд нас барсан нь гэмт хэрэг биш, ослын хэрэг байсан гэж мэдэгдсэн ч олон нийтийн мэдээллийн хэрэгслээр нуун дарагдуулсан гэсэн мэдээлэл цацагдсан.
Пучен мужийн засгийн газрын цахим хуудсанд нийтэлсэн мөрдөн байцаагчдын мэдэгдлийн дагуу Данг дотуур байрандаа Гуо овогтой нэгдүгээр курсын оюутантай “унтаж байхад нь амралтыг нь алдагдуулсан”-ы улмаас “ам мурийж, нударга зөрүүлсэн” гэжээ. Тэр шөнө сургуулийн ажиллтан маргааныг шийдвэрлэхэд тусалсан байна.
Шөнийн гурван цагийн орчимд Дангийн дотуур байрны өөр нэг оюутан бие засах газар ороход тагтан доорх модон сандал дээр түүний биеийг олжээ.
“Гүйдэг цонх онгорхой, төмөр торыг салгачихсан, Данг аль хэдийн цонхноос газар унасан байсан” гэж тэр хэлэв.
АНУ-д төвтэй Хятад дахь хүний эрхийн идэвхтнүүдийн бүлэг Дангийн үхэлд хүргэсэн “сэжигтэй нөхцөл байдал,” тэр дундаа “Дангийн дотуур байран дахь тэмцэл”-ийг харуулсан гэрчүүдийн мэдээллүүд нь тэр “дээврээс түлхэгдсэн” гэх таамаг төрүүлж байна гэлээ.
Даваа гарагт эхэлсэн эсэргүүцлийн жагсаал долоо хоногийн турш үргэлжилсэн эсэх нь одоогоор тодорхойгүй байна.
Эх сурвалж: https://edition.cnn.com/2025/01/11/china/china-protest-pucheng-student-death-intl/index.html
Мэдээллийг бэлтгэсэн: Э.Номин-Эрдэнэ
