Увс аймгийн Давст сумын Торхилог багийн “Цагаанбулаг” гэдэг газар /аймгийн төвөөс хойд зүгт 170 км-т, сумын төвөөс зүүн зүгт 34 км-т/ хээрийн гал түймэр гарчээ. Энэ тухай дуудлага мэдээлэл ОБГ-т дөрөвдүгээр сарын 30-ны өдөр ирсэн бөгөөд тус аймгийн Онцгой байдлын газрын Давст сум дахь Эрэн хайх, аврах бүлгийн алба хаагчид, Давст сумын мэргэжлийн ангийнхан, орон нутгийн иргэд ажиллаж, мөн өдрийн 20:17 цагт хээрийн гал түймрийг цурамд оруулж, тавдугаар сарын 01-ний өдрийн 14:15 цагт галыг бүрэн унтраасан байна. Одоогоор уг түймэрт 7.5 га талбай шатсан гэх мэдээлэл буй.
