Элсэлтийн шалгалтын даалгаврын агуулгыг сайжруулж, ажлын хэсэг гаргаж ажиллуулах талаар Боловсролын сайд Л.Энх-Амгалан Боловсролын үнэлгээний төвд ажиллаж холбогдох үүргүүдийг өглөө.
Тодруулбал:
- Монгол хэл, бичгийн шалгалтад ашиглагдах зохиолын болон эх зохион найруулан бичих сэдвийн жагсаалт гаргах, олон нийт, шалгуулагчдад нээлттэй мэдээлэх.
- Элсэлтийн шалгалтыг шинэ журам, шинэ загвараар 2027 оноос эхлэн зохион байгуулах. Боловсролын үнэлгээний төв холбогдох бэлтгэл ажлыг хангах
- Одооноос багш, сурагчдад мэдээлэл хүргэх. Элсэлтийн шалгалтыг цахим байдлаар зохион байгуулах бэлтгэлийг хангах
- Багшийг ачаалал багатай, багшид дарамт учруулахгүйгээр яаж явцын үнэлгээнд нь суурилж багшийг үнэн зөв бодитой шударга үнэлэх вэ? гэдэг шийдлийг олох
- Гүйцэтгэлийн үнэлгээний журмыг яаралтай шинэчилж багшийг дарамт, шахалтгүй, ачаалал багатай байдлаар зохион байгуулах бэлтгэлийг хангах, багш нарт мэдээллийг хүргэх
- Боловсролын бүх түвшинд үндэсний болон олон улсын ямар үнэлгээнүүд явагдах тов тогтоох,
- Үнэлгээний тогтолцооны загвар, замын зураглалыг гаргаж танилцуулах, батлуулах асуудлыг судлах.
- Сурагчийн болон багшийн өөрийн үнэлгээний системийг ашиглалтад оруулсан CHADLA.MN системтийг сэргээж хөгжүүлэх. хиймэл оюун ухаанд суурилсан сурагчдын хоцрогдлын нөхцөл байдлыг бодитой дэлгэрэнгүй гаргадаг байх.
- Багшийн мэргэжлийн хөгжлийг оновчтой тодорхойлдог байдлаар хөгжүүлж CHADLA.MN 2.0 хувилбарын концепцийг гаргаж танилцуулах, хөгжүүлэлтийг хийх.
- 2 жил тутамд их, дээд сургуулиудын эрэмбийг зарлаж байх хуулийн заалттай. Энэ ажил сүүлийн 2 жилд хийгдээгүйтэй холбогдуулан энэ жилийн эрэмбийн үйл ажиллагааг Боловсролын үнэлгээний төвд тулгуурлаж зохион байгуулна.
- Олон улсын THE байгууллагатай хамтын ажиллагааг сэргээх, хамтран ажиллах.
- Английн үнэлгээний AQA-тай хамтын ажиллагааг үргэлжлүүлэх. Үнэлгээний хүний нөөцийг чадавхжуулах зэрэг хамтын ажиллагааны чиглэлийг шинээр тодорхойлж гэрээ байгуулах зэрэг үүргүүдийг өглөө.
- Боловсролын үнэлгээний төвийн дарга хэн байхаас үл хамаарч үнэлгээний ажлууд тасралтгүй явагддаг байх.
- “БОЛОВСРОЛЫН ҮНЭЛГЭЭНИЙ ҮЗЭЛ БАРИМТЛАЛ, БОДЛОГЫН ЧИГЛЭЛ”-ийг тодорхойлон гаргаж холбогдох хууль, дүрэм, журамд өөрчлөлт оруулах, шаардлагатай бол Улсын их хурлын тогтоол гаргуулах,
- Боловсролын үнэлгээний тогтолцооны зураглал гаргах,
- Бүх түвшний үнэлгээнүүдийг цахим хэлбэрт шилжүүлэх бэлтгэлийг хангах, үе шаттай нэвтрүүлэх,
- Learning analytic чиглэлээр баг бүрдүүлж ажиллах,
- Үнэлгээний энэ шинэчлэлийг хийхэд ажиллах бүтцийг шинээр тооцох зэрэг ажил сайжруулах зэрэг үүргийг өглөө.
Эх сурвалж: Боловсролын яам
