УИХ-ын намрын ээлжит чуулган өнөөдөр 10:00 цагт нээлтээ хийнэ. Үүний дараа 11:00 цагт УИХ дахь намын бүлгүүд хуралдана.
Чуулганы нэгдсэн хуралдаанаар дараах хуулийн төслүүдийг хэлэлцэнэ. Үүнд:
- Монгол Улсын нэгдсэн төсвийн 2027 оны төсвийн хүрээний мэдэгдэл, 2028–2029 оны төсвийн төсөөллийн тухай хуульд өөрчлөлт оруулах төсөл;
- Монгол Улсын 2027 оны төсөв;
- Үндэсний баялгийн сангийн 2027 оны төсөв;
- Нийгмийн даатгалын сангийн 2027 оны төсөв;
- Эрүүл мэндийн даатгалын сангийн 2027 оны төсөв.
Эдгээр хуулийн төслийг Засгийн газар 2026 оны наймдугаар сарын 31-нд өргөн мэдүүлсэн бөгөөд УИХ анхны хэлэлцүүлгийг хийнэ.
