Дуучин, жүжигчин Selena Gomez нөхөр болох хөгжмийн продюсер Benny Blanco-ийн хөлийг үнссэн бичлэг цахим орчинд шуугиан дэгдээгээд байна. Гадаадын энтертайнмент хэвлэлүүдийн мэдээлснээр энэ үйл явдал Blanco-ийн “Friends Keep Secrets” подкастын шинэ дугаарт болсон бөгөөд Gomez ярилцлагын үеэр түүний хөлийг үнсэж, хацраа түшүүлэн энхрийлж буй агшин камерын өмнө бичигджээ.
Энэхүү бичлэг олон нийтийн сүлжээнд хурдан тархаж, өмнө нь Blanco-ийн подкастын эхний дугаарт “бохир хөлтэй харагдсан” гэх шүүмжлэл гарч байсан тул хүмүүсийн анхаарлыг дахин татсан байна. Зарим үзэгчид үүнийг хосуудын хошин, дотно мөч гэж үзсэн бол нөгөө хэсэг нь шүүмжилсэн байр суурь илэрхийлжээ.
Харин Selena подкастын үеэр тэдний харилцааг “эрүүл, аз жаргалтай харилцаа” хэмээн тодорхойлж, олон нийтийн шүүмжлэлд хошигнолын өнгөөр хариуллаа гэж хэвлэлүүд онцолж байна.
