2025 оны 7 дугаар сарын 1-ний өдөр Монгол орондаяар сум, дүүргийн өрхийн эрүүл мэндийн төвүүдэд “Улаанбурхан өвчний эсрэг нөхөн дархлаажуулалт”-ын мэдээлэл өгөх өдөрлөг зохион байгуулагдлаа.
Энэ өдөр 6-8 сартай хүүхдүүдэд нэмэлт дархлаажуулалт, харин товлолт дархлаажуулалтаас хоцорсон 10 сартайгаас-15 настай хүүхдүүдийг “Улаанбурхан” өвчний эсрэг вакцинаар нөхөн дархлаажуулах үйл ажиллагаатай холбоотой мэдээллийг иргэдэд өгөх юм.
Нөхөн дархлаажуулалтыг зохион байгуулах ажлын хүрээнд улсын хэмжээнд дархлаажуулалтын 560 байнгын цэг, 345 явуулын цэг, нийт 908 цэгийг ажлын болон амралтын өдөр уртасгасан цагаар эрчимжүүлэн ажиллаж байна. Улаанбурхан өвчний хариу арга хэмжээ, дархлаажуулалтын үйл ажиллагаанд нийт 148 резидент эмчийг дайчлан ажиллуулж байна.
Иймд 15 хүртэлх насны хүүхдийнхээ товлолын дархлаажуулалтад хамрагдсан эсэхийг И-Монголиа аппликейшн болон эх, хүүхдийн эрүүл мэндийн ягаан дэвтрээс шалгаж үзэн хэрэв хамрагдсан талаар мэдээлэл байхгүй бол харьяа өрхийн эрүүл мэндийн төвдөө хандаж дархлаажуулалтын бүртгэлээ шүүлгэн улаанбурхан, гахай хавдар, улаануудын эсрэг нөхөн дархлаажуулалтад хүүхдээ хамруулахыг уриалж байна. Товлолын нас болоогүй 6-8 сартай хүүхдүүдийг улаанбурханы эсрэг вакцинаар мөн дархлаажуулж эхэлсэн тул эцэг эх, асран хамгаалагчид маань хүүхдүүдээ идэвхтэй хамруулна уу.
Нийтэлсэн:Нийгмийн эрүүл мэндийн үндэсний төв
