Намайг Асгаар гэдэг. Хэнтий аймгийн Бэрх хотод амьдардаг залуу малчин. Манай суманд тулгамдаж буй асуудлын нэг бол малчдын хадлангийн газрын маргаан. Угтаа манай сум хадлангийн бүс нутаг биш учир хадлан хадах зөвшөөрөлгүй. Гэтэл намрын ажил эхэлж, өвөлжилтдөө бэлтгэж, эд завгүй байх зуур зарим айлууд бусдын малын бэлчээрийг хадаж, өвөлжөөний ар судгийг халзалж, хонины бэлчээргүй болгож байна. Өнөөдөр миний эрх бусдын эрхээр хязгаарлагддаг шиг дур зоргоороо аашилдаг зарим хүмүүсийн эрх ч минийхээр хязгаарлагдах учиртай. Харамсалтай энэ асуудлыг сум орон нутгийн зүгээс анхаарч, хариуцлага тооцохгүй байгаа нь байдлыг улам дордуулсаар.
Малчид бид хэзээний л саахалт айлын санаа нэг гэж ярьдаг. Тиймдээ ч энэ асуудал дээр нутаг нугын иргэдтэйгээ муудалцалгүй, эвээр ойлголцохыг хүлээсээр энэ хүрч байна. Тиймээс зөвхөн манай сумын гэлтгүй бусад малчдадаа нэгэндээ хайртай байж, дор бүрнээ ухамсартай байхыг уриалъя аа…
А.Асгаар
