АНХААРЛАА ӨӨР ТИЙШ НЬ ХАНДУУЛ
Залхуурлын хамгийн анхны шалтгаан бол төвлөрөл байдаг. Төвлөрөл төвөгтэй болсноор таны бие махбод хийгээд сэтгэл зүй залхууралд хүлэгддэг. Тиймээс түр ч болов өөр зүйлд анхаарлаа төвлөрүүл. Дуу сонсож, кино үз… Эсвэл кофетой болзоонд хэн нэгнийг урьж амттай яриа өрнүүлсэн ч болно.
ДАСГАЛ ХИЙ
Дасгал бол залхуурлыг ялан дийлэх хамгийн энгийн арга. Маш их цаг хугацаанд бид залхуурдаг. Яагаад гэвэл жирийн нэг ажил хүртэл хэцүү юм шиг санагддаг. Дасгал хийх үед та ямар нэг зүйлийг шийдвэрлэхгүй. Зүгээр л үсэрч, харайж, гүйж биеэ хөдөлгөж эхлэх нэг том зорилт тавь. Дасгал саад бэрхшээлийн инерцийг эвдэж, урам зоригтой болж, хүчин чармайлт гаргахад бэлэн болоход тусална.
АЛБАН ЁСНЫ АМРАЛТ ТӨЛӨВЛӨЖ ДУРТАЙ ЗҮЙЛСЭЭ ХИЙ
Амрангаа, дуртай зүйлээ хийснээр бид өөрсөддөө сэтгэл хангалуун мэдрэмжийг авч чаддаг. Бид сэтгэл хангалуун байх үедээ том ажлуудыг хийж, том зүйлсэд хүрэхэд бэлэн болдог. Амрангаа, өөрийгөө хөгжүүлж, аливаа зүйлсийн талаар бодож тунгаах, эргэцүүлэх, урам зориг авах боломжийг өөртөө олгоорой.
СЭТГЭЛ ЗҮЙГЭЭ ОЙЛГОЖ СЭТГЭЛ ЗҮРХЭЭ СОНС
Таны эргэн тойронд байгаа зүйлс таны мэдрэмж, сэтгэл санаанд томоохон нөлөө үзүүлдэг. Хэрэв таны гэр эмх цэгцгүй байгаа бол таньд ч бас төвөгтэй санагдаж эхэлдэг. Гадаад байдал эмх цэгцгүй байгаа бол танд ч эмх цэгцгүй мэдрэмж сэтгэгдэл төрдөг. Тиймээс хийх ажлын жагсаалтандаа гэрээ цэвэрлэх ажлыг ч бас багтаа. Гэрээ цэвэрлээд эргэн тойрондоо байгаа эд юмсыг янзалж, цэгцэл. Ингэснээр таны сэтгэл санаа урам зоригтой болж, бүтээлч, идэвхитэй болдог. Ингээд амьдралаа илүү энгийн, зохицуулахад хялбар болгоно.
Бидний дотоод сэтгэл (өөрөө өөртэйгөө ярих арга) бидэнд төрж байгаа мэдрэмж сэтгэгдэл, хийж байгаа зүйлсэд томоохон нөлөө үзүүлдэг. Дэлхийн алдартай илтгэгч Антони Робинс “Хэрэв бид баяр хөөртэй байхыг хүсвэл тэрхүү сэтгэл хөдлөлийг бий болгодог үзэл бодлыг хүлээн зөвшөөрөх явдал юм” хэмээн тайлбарласан байдаг.
ЭЕРЭГ БОДЛООР ӨӨРИЙГӨӨ ХҮРЭЭЛҮҮЛ
Бид өдөрт 50мянгаас ч их бодол боддог. Хэрэв тэдгээр бодлын 10 хувь нь сөрөг байвал өдөрт 5000 сөрөг бодол боддог гэсэн үг. Тэгэхээр бидэнд сөрөг бодол бодох маш олон арга байгаа гэдгийг ухаарсан. Тэгвэл бид урам зоригтой байхын тулд яагаад сөрөг бодолтойгоо тэмцдэггүй вэ?
Өөрийнхөө дотоод сэтгэлийг ухамсарлаж, шинжлэх нь маш чухал. Түүнчлэн энэ арга таны залхуурч байгаа сэтгэлгээнд зайлшгүй нөлөөлж, залхуурлаа ялан дийлэхэд хялбар болно. Эдгээр аргууд надад өдөр бүр тус болдог. Хэрэв та эдгээр аргуудыг ашиглавал өдөр тутмын амьдралдаа эрч хүчтэй, урам зоригтой болно гэдэгт найдаж байна.