Бид ямар нэгэн зүйлдээ санаа зовохгүй байж чадвал өөртөө итгэх итгэл улам бүр нэмэгддэг. Мэдээж үүнд амны хөндий хүртэл хамаатай. Тэгвэл амны хөндийгөөс эвгүй үнэр гарах таван шалтгааныг хуваалцъя.
- Шүдээ угаахгүй байх
Хамгийн эхний шалтгаан бол шүдээ угаахгүй болон дутуу угааснаас эвгүй үнэр гардаг. Тиймээс шүдээ сайтар угаасны дараа хэлний өнгөрөө хусаж цэвэрлэх хэрэгтэй. Мөн ам зайлагч шингэн тогтмол хэрэглэж байвал эвгүй үнэрээ дарах боломжтой.
2.Буруу хоол хүнс хэрэглэх
Ихэнх хүмүүс сонгино, сармис идэхээр амнаас эвгүй үнэр гардаг гэж ойлгодог. Гэтэл бидний өдөр тутамдаа иддэг цагаан идээг их хэмжээгээр идэхэд амнаас муухай үнэр гардаг байна. Учир нь цагаан идээ бол маш их нүүрс ус болон чихэр агуулсан бүтээгдэхүүн юм.
3.Хамар болон хоолойн үрэвсэл
Таны хамар болон хоолой ямар нэгэн үрэвсэл, өвчлөлтэй бол эвгүй үнэр гарах шалтгаан болдог. Тиймээс хоолойгоо өдөр бүр бүлээн давстай усаар зайлах болох хамраа тусгай цэвэрлэгч шингэнээр цэвэрлэж байгаарай.
4.Усыг хангалттай хэмжээгээр уухгүйгээс
Ус хангалттай хэмжээгээр уудаггүйгээс болж шүлс бага ялгардаг. Шүлс бол бидний аман доторх нянгуудыг цэвэрлэж байх үүрэгтэй зүйл бөгөөд шүлсний ялгаралт бага байх нь амнаас эвгүй үнэр үнэртэх бас нэг шалтгаан болдог. Тиймээс аль болох хэрэгцээтэй усаа ууж байгаарай.
5.Харшил
Харшилтай хүмүүс харшлаасаа болоод хамар нь битүүрч амаараа амьсгалдаг. Ингэснээр амны хөндийд хуурайшилт үүсч үүнээс болж амнаас эвгүй үнэр гардаг.