Европын парламентын санал хураалтад өрсөлдөгч Марин Ле Пен нь томоохон ялалт байгуулсантай холбогдуулан Францын ерөнхийлөгч Эммануэль Макрон энэ сарын сүүлээр парламентын ээлжит бус сонгуулийг зарлалаа.
Барууны нам 32 хувийн санал авах хандлагатай байгаа нь ерөнхийлөгчийн Сэргэн мандалт намаас хоёр дахин илүү үзүүлэлт юм. Ийнхүү хоёр намын зөрүүг танилцуулахдаа, Парисын олимп болохоос хэдхэн долоо хоногийн өмнө буюу зургаадугаар сарын 30, долоодугаар сарын 7-ны өдрүүдэд хоёр шатны санал хураалт явагдана гэв.
Тэрбээр, уг гэнэтийн шийдвэрийг Европын Холбооны сонгуулийн санал хураалт хаагдсанаас хойш нэг цагийн дараа Элисей ордноос телевизээр үг хэлэхдээ зарлажээ. Үндэсний раллигийн удирдагч, 28 настай Жордан Барделла ерөнхийлөгчийг парламентын сонгууль зарлахыг илэн далангүй уриалсны дараахан уг үйл явдал болсон байна. “Би та бүхний хүсэлтийг сонссон. Энэ асуудалд хариу өгөхгүйгээр өнгөрүүлэхгүй” гэж ерөнхийлөгч сонгогчдод хандан хэлсэн юм.
Хоёр дахь удаагаа ерөнхийлөгчөөр сонгогдсон ч Макрон Францын парламентад давуу байр суурь олж чадаагүй бөгөөд Европын энэхүү санал хураалт нь үндэсний улс төрд онолын хувьд ямар ч хамаагүй. Гэвч бүх нийтийн санал асуулгагүйгээр бүрэн эрхээ үргэлжлүүлэх нь хэцүү гэж шийджээ. Удахгүй болох парламентын сонгууль нь Макроны өөрийн ажилд нөлөөлөхгүй, учир нь энэ нь ерөнхийлөгчийн сонгуулиас тусдаа бөгөөд түүний ерөнхийлөгчийн бүрэн эрхийн хугацаан дахин гурван жил үргэлжилж байгаа юм .
Ерөнхийлөгчийн сонгуульд Макронд хоёр ч удаа ялагдсан хатагтай Ле Пен тэр дариу хариу үйлдэл үзүүлж, нам нь эрх мэдлээ хэрэгжүүлж, олон нийтийн цагаачлалыг зогсооход бэлэн байгаагаа илэрхийллээ.
Ээлжит бус сонгууль зарлах нь тус улсын хувьд гэнэтийн бэлэг, ерөнхийлөгч Макроны хувьд асар том эрсдэл юм. Тэр өөр хариу үйлдэл үзүүлж болох байсан. Тэр Барууныхны асар давуу байдал Европын зөрүүтэй нөхцлийг илүү чухал сонгуулиар засч залруулах болно гэж тайлбарлаад зүгээр л ажлаа үргэлжлүүлж болох байсан. Гэвч тэр гацсан нь үнэн.
Олонхгүй бол ямар ч хуулийн төслийг УИХ-аар хэлэлцүүлнэ гэдэг нь аль хэдийн тэмцэл болж байгаа. Улсын ихэнх хэсэг нь түүний эсрэг байгаа нь тодорхой тул аливаа шинэ хууль тогтоомж, тухайлбал удахгүй гарах төсөв зэрэг нь бүтэлгүйтэх аюултай байж магадгүй юм. Тиймээс л тэр тодорхой байхын хүслэн болж яаралтай сонгууль зарласан байна.
Ерөнхийлөгч өөрийн Сэргэн мандалт намыг зургаадугаар сарын 30, долоодугаар сарын 7-нд болох сонгуульд өрсөлдөнө гэж найдаж байгаа нь ойлгомжтой. Гэхдээ Үндэсний ралли дахин ялалт байгуулах нь өндөр байгааг тэр мэднэ.
Бэлтгэсэн дадлагажигч оюутан – Э.Номин
