АНУ болон Их Британи дээр суурилсан судалгаагаар хиймэл оюун ухаан ямар нэгэн байдлаар оролцсон мэдээнд уншигчид итгэх итгэл багатай байгааг илрүүлжээ.
Зөвхөн АНУ-аас судалгаанд оролцогчдын 23 хувь, Их Британи уншигчдын 10 хувь нь хиймэл оюун ухаан ашиглан бичсэн мэдээг ямар ч асуудалгүйгээр хүлээж авдаг хэмээн хариулсан. Харин улс төр болон гэмт хэрэгтэй холбоотой хүнд сэдэв бүхий мэдээнд уншигчид илүү эмзэглэн, эргэлзээтэй байдлаар хүлээж авдаг аж.
График, зураг, видео гээд хүний нэгэн цагт бүтээж чадна гэж төсөөлөөгүй мэдээ мэдээллийг хиймэл оюун ухаан төвөггүйхэн боловсруулж байгаа энэ үед мэдээ дамжуулах үгсийн урлагийг ч ядах юмгүй хүн үнэмшихээр бичиж чадна гэж хүмүүс бодож байгаа юм. Израиль, Палестинийн дайны үед олон хиймэл оюун ухаан ашигласан хуурамч зураг бичлэг явж байсан нь илчлэгдсэн нь ч энэхүү эргэлзээг мэдээ хүлээн авагч хэн бүхэнд төрүүлж эхэлжээ.
Үүнтэй холбогдуулан хиймэл оюун ухаан ямар сэдэв дээр түлхүү ашиглах хэрэгтэй вэ зэрэг асуултад сэтгүүлзүй, хэвлэл мэдээллийн салбар хариулах шаардлагатай болж байна.
Эх сурвалж – https://www.aljazeera.com/economy/2024/6/17/audiences-suspicious-of-ai-being-used-to-create-news-survey-shows
Бэлтгэсэн дадлагажигч оюутан Э.Номин
