Хьюмэн Зэт ХХК нь www.humanz.mn мэдээллийн сайт, Humanz Media Agency контент суваг зэргийг хөтлөн ажиллуулдаг. 2019 оноос хойш тасралтгүй нийгмийн асуудлыг бодитоор хөндөж, залуусын дуу хоолойг олон нийтэд цахим орчин ашиглан түгээсээр ирсэн нөлөөллийн баг юм. Тус баг өнөөдрийг хүртэл нийгмийн сэтгэл зүй, ухамсар, иргэний боловсролд эерэгээр нөлөөлөх 520 орчим видео контент бүтээж, хагас сая орчим дагагчтай, өндөр хандалт бүхий цахим сувгуудаар түгээжээ. Өөрсдийн нийгэмд үзүүлсэн үр нөлөөг эмхэтгэн “Залуу насаа хамт үрэх завшаан” хэвлэмэл сэтгүүлийг эрхлэн гаргасан. Мөн иргэдийн мэдэх эрхийг хангахын тулд өдөрт тутмын мэдээллийг цаг алдалгүй оруулдаг залуу сэтгүүлчдээс бүрдсэн мэргэжлийн, ёс зүйтэй редакц юм.
HUMANZ багийн хамт олон 2024 оны тавдугаар сарын 13-ны өдрөөс зургадугаар сарын 28-ны хооронд хэрсүү сонгогчдыг бэлтгэх, залуусын сонгуулийн оролцоог нэмэгдүүлэх, ёс зүйтэй, шинжлэх ухаанч төлөөллийг төрд гаргах зорилгоор “Зуны шоу” мэдиа компанит ажлыг нийгмийн хариуцлагын хүрээнд эхлүүлж байна. Тус төслийн хүрээнд “Томчуудаас асууя” асуудал хөндсөн нэвтрүүлэг, агуулга бүхий самбартай зураг, өнгөрснийг сануулан ажиглалт хийсэн видео контент, олон нийтийн үзэл бодлыг шингээсэн ярилцлага, сэтгүүл зүйн нийтлэлүүдийг хийж гүйцэтгэх юм. Хийсэн бүтээлүүдээ www.humanz.mn сайт болон фэйсбүүк дэх Humanz Media Agency, Humanz.mn, Humanz Post, Залуу сэтгүүлчдийн клуб YJC, Шук нийтлэв зэрэг цахим хуудсаар түгээнэ. Мөн инстаграмын humanzofficial, humanznews хаяг болон юутүб дээрх Охидын Старт ап сувгаар тус тус цацах юм.
2024 он бол иргэн бүрийн хувьд туйлын хариуцлагатай, оролцоотой байх учиртай сонгуулийн жил. Ирээдүйн дөрвөн жилд Монгол Улсын хөгжил дэвшил хаашаа чиглэх үү, биднийг ямар шийдвэр хүлээх үү, хэн төрийн бодлогыг чиглүүлэх үү гэдгийг тодорхойлох эгзэгтэй үе. Тиймээс залуус итгэл үнэмшил, үзэл бодлоороо нэгдэж, шинжлэх ухаанд суурилсан, ёс зүйтэй, жинхэнэ утгаараа олон нийтийг төлөөлж чадахуйц нэр дэвшигчдийг дэмжиж, бодлого тодорхойлох төвшинд хүргэх замыг бэлдэх шаардлагатай байна. Монгол залуусын орон. Бидний санал сонгуулийн үр дүнд нөлөөлөх хүчтэй. Надаар дутав гэж гэдэг хандлагаа хаяж, намайг төлөөлөх хэн төрд байгааг анзаарах сэдлээр сонгох эрхээ эдэлье. Нөгөө талаас сонгуулийг мөнгө олох арга хэрэгсэл биш өөрчлөлт хийх том боломж гэж харъя, монголчуудаа.
Хүндэтгэсэн, Humanz багийн хамт олон …
