Бүх нийтээр мод тарих үндэсний өдөр энэ амралтын өдрүүдэд тохиож байна. 2023 оны хаврын улирлын тарилтад төр, хувийн хэвшлийн 312 байгууллагыг хамруулан 6 байршилд мод тарих, тарьсан модоо арчлах ажлыг 2023 оны 05 сарын 11-нээс 19-ны өдрүүдэд зохион байгуулахаар төлөвлөжээ.
Үүнд, Баруун салааны “Бумбатын булаг”, Түргэний гол дагуух “Ногоон хэрэм” зурвас, “Шинэ Налайх цэцэрлэгт хүрээлэн”, “Баянгол цэцэрлэгт хүрээлэн”, Сонгинохайрхан дүүрэг, 21 дүгээр хороо, “Инчон мөрөөдлийн төгөл”; Чингэлтэй дүүрэг, 19 дүгээр хороо, Дээд Салхит “Хайрхан хөгжлийн төв”, Айцын амны шинээр мод тарих 6 га талбай багтаж буй.
