Баянхонгор аймгийн Бөмбөгөр суманд хэрэгжүүлж буй орчин үеийн ариун цэврийн байгууламжийн барилгын ажлын явцтай Боловсролын ерөнхий газрын ажлын хэсэг танилцлаа.
Эрдэнэт үйлдвэрийн хөрөнгө оруулалтаар хэрэгжиж буй тус төсөл, арга хэмжээний 1 дүгээр ээлжид сумын сургууль, цэцэрлэгийн барилгад орчин үеийн АЦБайгууламж хийгдэж, гүйцэтгэл 100%-тай байна.
Барилгын гүйцэтгэгчээр “Модернхас” ХХК шалгарч 2022 онд комисс ажиллуулсан.
Тус төслийн 1 дүгээр ээлжид Баянхонгор аймгийн Бөмбөгөр, Заг, Баянбулаг, Баян-Өндөр сумдын нийт 8 обьектод хэрэгжүүлсэн. Үйл ажиллагаа хэвийн явагдаж байна.
Гадна цэвэрлэх байгууламжийн засвар үйлчилгээг Алтай-Эколос ХХК хариуцан ажиллаж байгаа бөгөөд илэрсэн зөрчил доголдлыг арилгахаар ажиллаж байна.
Ашиглагч байгууллагад ашиглалтын үйл ажиллагаанд онцгой анхаарч тухайн бүрд засвар үйлчилгээг байнга хийх, гадна нүхэн жорлонг яаралтай булж ариун цэврийн байгууламжаа бүрэн хүчээр нь ашиглаж байхыг зөвлөв.
