MLC business school-ийн 20K программист хөтөлбөрийн хүрээнд JAVA хэлний анхан шатны 100 хувийн тэтгэлэгтэй сургалт эхэллээ. Та дараах линкээр орж бүртгүүлээрэй.
Линк – https://forms.gle/wfpAsFjjNbxJ4AsG9
Дижитал ертөнц цаг тутам өөрчлөгдөн, шинэчлэгдэж байдаг бөгөөд хөгжүүлэгчид ч мөн өөрсдөдөө давуу тал олгохын тулд шинэ хэлнүүд, Framework-уудыг хайж эхэлдэг. Цаг үеэсээ хоцрохгүй байх нь чухал боловч салбарууд шилжилтэд орох үед тодорхой чиг хандлагад баригдаж үлдэх нь найдвартай, эрсдэл багатай юм. Ялангуяа шинэ хэл, технологи гарч ирэх үед Java хэлний ач холбогдол өндөр хэвээр байдгийг онцлууштай. 1995 оноос эхтэй нээлттэй эх бүхий үйлдлийн системийн хэл болох Java нь өнөө үед тэргүүлэгч програмчлалын хэлүүдийн нэг болоод байна.
JAVA ХЭЛНИЙ ДАВУУ ТАЛ ОНЦЛОГ ЮУ ВЭ?
Ирэх арван жилийн хугацаанд программистуудын ажлын байр 22 хувиар өсөх хандлагатай байгаа бөгөөд сервер талын буюу Back-end программистуудын эрэлт хэрэгцээ их байна. Дэлхийн 20 гаран улсад хүний нөөцийн цогц үйлчилгээ явуулдаг Glassdoor компани 2023 оны хамгийн эрэлттэй, өсөлттэй 10 мэргэжлийн жагсаалт гаргахад Java хөгжүүлэгч 9-р байранд жагсжээ. Хэдий мэдээлэл технологи, программ хангамжийн ажил мэргэжлүүд жагсаалтад багтсан байсан ч тухайн салбарт Java хэлтэй хөгжүүлэгчид тэргүүлэх байр суурь эзэлсээр байна. Java бол бусад программчлалын хэл сурахад маш сайн эхлэлийн цэг юм. Java нь шинэхэн код бичигч нарт хэрхэн программист шиг сэтгэж, логик сэтгэлгээгээр асуудалд хандан, санаагаа туршиж үзэх боломжийг нээж өгдөг. Java хэлийг сурсны дараа C, C#, C++, Python гэх мэт бусад өргөн хэрэглэгддэг хэлнүүдийг сурахад харьцангуй хялбар байдаг. Программ хөгжүүлэгчид Java-г веб болон гар утасны програм, тоглоом, мэдээллийн санд суурилсан програм хангамжийг бүтээхдээ ашигладаг. Мөн төрөл бүрийн технологиудад өргөн хэрэглэгдэхээс гадна хялбархан өргөтгөх бололцоотой бөгөөд хамгийн чухал нь Java Virtual Machine (JVM) дээр ажилладаг учраас нэг кодын сангаар ямар ч төхөөрөмж дээр ажиллах боломжтой юм. Энэхүү JVM нь платформд зориулсан заавруудыг төхөөрөмжид дамжуулдаг бөгөөд энэ нь кодыг бараг бүх тооцоолох төхөөрөмж дээр өөр систем рүү шилжүүлэх боломжийг олгодог байна.
JAVA ХЭЛНИЙ БОДИТ ХЭРЭГЛЭЭ НЬ ЮУ ВЭ?
Android программ: Java бол Android программын хөгжүүлэлтийн албан ёсны программчлалын хэл бөгөөд Android программын 46.2 хувийг Java эзэлдэг байна. Тиймээс, Java программчлалын хэлний мэдлэгтэй бол Android программыг хөгжүүлэхэд илүү хялбар байдаг.
Видео тоглоом: Java бол график болон тоглоомын хөгжүүлэлтийг эхнээс нь судлахыг хүсвэл маш сайн сонголт юм. LibGDX, OpenGL гэх мэт олон тооны хэрэгслүүд байдаг.
Вэб апликейшнүүд: Java бол вэб апликейшн бүтээхэд ихэвчлэн ашиглагддаг сервер талын хэл юм. Java-г ашиглан бүтээгдсэн веб апликейшнүүдийг дурдвал: LinkedIn, AliExpress, Amazon гэх мэт бидний өргөнөөр хэрэглэдэг үйлчилгээнүүд багтана.
(IoT): IoT буюу Internet of Things гэдэг нь интернетээр дамжуулан бусад төхөөрөмж, системүүдтэй мэдээлэл цуглуулах, солилцох боломжийг олгодог программ хангамж, төхөөрөмж, хэрэгсэл, бусад зүйлсийн сүлжээг илэрхийлдэг юм. IoT нь төхөөрөмжүүд хоорондоо харилцах, өгөгдөл хуваалцах, үйлдлийг автоматжуулах боломжтой ухаалаг бөгөөд харилцан уялдаатай орчинг бий болгоход оршино. Хөгжүүлэгчид Java хэлийг IoT төхөөрөмжийг хөгжүүлэхэд хамгийн тохиромжтой хэл гэж үздэг. Вэб хөгжүүлэлт, android хөгжүүлэлт, desktop программ хөгжүүлэлт болон бусад олон зүйлд ашиглагддаг тул хөрвөх чадвараараа IoT-д хамгийн тохиромжтой сонголт юм.