Одоо болоод ирээдүйд тань үр өгөөжөө өгөх хамгийн чухал зүйл бол өөрөө өөртөө өгөх хөрөнгө оруулалт юм. Илүү бүтээмжтэй, амжилттай, сэтгэл ханамжтай амьдрахын тулд хувийн болоод мэргэжлийн ур чадвараа хөгжүүлэх хөрөнгө оруулалтыг чухалчлах хэрэгтэй.
Өөрөө өөртөө оруулах хөрөнгө оруулалт нь таны одоогийн болоод ирээдүйн амьдралын чанарыг тодорхойлоход чухал үүрэг гүйцэтгэдэг.
Ур чадвараа хөгжүүлэх
Ажил мэргэжлийн шаардлагаас тодорхой хэмжээгээр хамаарч болох хэдий ч ур чадвараа сайжруулна гэдэг нь дан ганц дээд боловсролд хөрөнгө оруулах тухай ойлголт биш юм. Мэдлэг, ур чадвараа хөгжүүлэх нь зөвхөн бизнесийн орчноор хязгаарлагдахгүй.Өөрөөр хэлбэл бүхий л талбарт энэ нь зайлшгүй зүйл юм.
Ур чадвараа хөгжүүлж өөртөө хөрөнгө оруулалт хийх олон янзын хэлбэр байдаг. Тэдгээрээс авч үзвэл:
– Боловсрол дээшлүүлэх
– Сургалт, хөтөлбөрт хамрагдах
– Мэдлэгээ өргөжүүлэх /мэдээллийн олон эх сурвалжийг ашиглаж суралцах, ном унших..гэх мэт/
– Мэдээллээс хоцрохгүй байх онлайн орчны мэдээллийн эх сурвалжуудыг үр дүнтэйгээр ашиглах/
Бүтээлч талаа нээн илрүүлэх
Ихэнх хүмүүст өөрсдөө мэддэггүй,урьд өмнө нь ашиглаж байгаагүй олон янзын бүтээлч талууд байдаг. Тэдгээрийгээ бид олж илрүүлж ашиглах нь чухал. Бүтээлч байдал нь бидэнд асуудлын шийдлийг өөр өнцгөөс харах,оюун санаагаа илүү үр дүнтэйгээр ашиглах буюу хувь хүний болоод ажил мэргэжлийн тал дээр өсөж хөгжихөд тусалдаг.
Бүтээлч байдалд зураг зурах, зохиол бичих гэх мэт олон янзын ур чадварууд хамаарах хэдий ч нөгөө талаас бүтээлч байдал бол “шинэ зүйлийг туршиж үзэх” тухай ойлголт юм. Жишээлбэл:
– Шинэ хэл сурах
– Шинэ хоол хийж сурах
– Бичих – ном, зохиол, блог, шүлэг
-Дэлхий ертөнцтэй танилцах – аялах, зураг дарах, байгаль,амьтдыг ажиглах, судлах
– Шинэ хөгжим тоглож сурах
– Ямар нэгэн шинэ зүйл өөрөө хийх – хувцас оёх, тоглоом хийх
– Урьд өмнө нь хэзээ ч оролдож үзээгүй шинэ зүйлсэд суралцах нь бүтээлч байдлаа хөгжүүлэхэд тань тусална.
Оюун санаа, бие махбодио хайрлах
Оюун санаа,бие махбодоо хайрлах нь одоо болоод ирээдүйд илүү эрч хүчтэй,мэдлэгтэй,урам зоригтой,шинийг бүтээгч нэгэн байхын үндэс юм.
Оюун ухаанаа тэл: Шинэ зүйлсэд суралцах, оюун санаагаа илүү идэвхтэй байлгах
– Унш
– Шинэ соёлд суралц
– Илүү нээлттэй бай
– Оюун ухаанаа идэвхтэй байлга
Бие махбодоо анхаар:
– Чанартай хоол хүнс хэрэглэ
– Өөртөө амсхийх цаг гарга
– Дараа нь биш өмнө нь урьдчилан сэргийл
– Сайхан хувцасла, өөрөө өөртөө таалагд
Таны ирээдүй яг одоо өөртөө оруулах хөрөнгө оруулалтаас ихээхэн хамаарна.
