Үнэртэй усыг ОРИГ, ОРИГ БИШ эсэхийг ингэж ялга

Үнэртэй ус гэдэг бүсгүйчүүд төдийгүй эрчүүдийн хувьд, өдөр тутмын хамгийн чухал зүйлүүдийн нэг юм. Харин технологи хөгжсөн энэ цаг үед жинхэнэ брэндийн үнэртэй усыг, дууриамал усаас ялгахад төвөгтэй болжээ. Уншигч та  сүрчиг худалдан авах гэж байгаа бол дараах зөвлөмжийг санаж байхад илүүдэхгүй.

1. Ямар ч төрлийн, ямар ч улсын, ямар ч брэндийн үнэтэй уснууд хуурамч байж болно. Хуурамч барааг гаднаас нь хараад танихад маш хэцүү байдаг. Учир нь яг дуурайлган хийсэн байдаг. Өндөр үнэтэй үнэртэй уснууд хуурамч байх боломжгүй гэж гэнэнээр итгэж болохгүй юм.

2. Жинхэнэ оргинал үнэртэй уснууд заавал хугацаа заасан байдаг. Үнэртэй ус худалдан авахдаа хугацааг нь сайн харах хэрэгтэй. Хугацаа заагаагүй байна гэдэг нь тухайн үнэртэй ус үйлдвэрлэгдээд хэр удаж байгаа нь мэдэх аргагүй шүү дээ. Мэдээж заасан хугацаа нь дууссан бол хэрэгцээгүй болсон гэсэн үг.

3. Хямдрал зарлаж байгаа эсэхийг нь хар. Учир нь хямдрал зарлаж, хямд үнээр зарах нь тухайн бүтээгдэхүүн хямд гэдгийг илтгэж болох ба ямар учраас хямдрал зарласан гэдгийг нь мэдэх хэрэгтэй. Магадгүй хугацаа нь дуусах дөхөөд хямдарсан байж болох ч бусад тохиолдолд бол гарцаагүй хуурамч гэсэн үг.

4. Худалдагчийн нийлүүлэгч буюу импортлогч компани нь ямар компани болох талаар мэд. Тэр нийлүүлэгч нь хэр найдвартай, хэр нэр хүндтэй вэ гэдгийг нь мэдэх хэрэгтэй. Тэгэхээр ихэнхдээ жижиг лангуунаас зарагдаж байгаа үнэртэй уснуудыг нийлүүлсэн  тодорхой компани байдаггүй учир Хятадаас оруулж ирсэн байх магадлал өндөр.

5. Сав баглаа боодол, шил сав, бичиг, нэр хаяг, үнэрийг сайтар хар. Хямд бараа харахад цаанаа л нэг хямд харагддаг шүү дээ. Цаасыг хэрхэн нааж вэ, баглаа боодол нь ямар материалаар хийсэн байгааг нь харах хэрэгтэй. Өнгө чанарыг нь хар. Бүдэг, ховхорсон, урссан байгаа эсэхийг нь нягтал.

6. Хуурамч үнэртэй усыг илтгэдэг нэг том зүйл бол жин байдаг. Оргинал үнэртэй усны сав нь жинхэнэ цэвэр шил байх бөгөөд жин нь хүнд байдаг. Гэтэл түүнийг дуурайлгасан үнэртэй усны сав нь хуванцар буюу илт хөнгөн байдаг байна.

7. Нэр, хаягийг зөв бичсэн эсэхийг анхаар. Ихэнхдээ хятадууд буруу бичдэг учир найрлага, заавар зэргийг нь харахад л алдаанууд харагдаж эхэлнэ.

8. Хэрвээ та ямар нэг үнэртэй усыг авахаар шийдсэн байгаа бол тухайн дэлгүүртээ очоод өөртөө түрхээд үз./гартаа/ Тэгээд тухайн өдрөө үнэр нь хэр удаж байгаа, ямар үнэртэй байгаа эсэхийг нь шалгаад үзчих. Хэрвээ үнэхээр сайн чанартай байвал та маргааш нь очоод авчхаж болно шүү дээ.

9. Шууд гартаа түрхэж үз. Магадгүй шууд танд харшил өгөөд эхэлж магадгүй. Зарим харшлууд биеийн бусад хэсгээр өөр байдлаар илэрдэг бол зарим харшлууд шууд тэр даруй улайх загатнах байдлаар илэрдэг.

10. Харьцуулж үз. Таны авах гэж буй үнэртэй ус өөр газруудад  байсан бол харьцуулан үз. Нийлүүлэгч нь нэг хүн байвал итгэж болох юм. Өөр өөр газраас тухайн лангуунууд дээр ирсэн байвал тэр хуурамч гэдгийг илтгэж байгаа хэрэг. Мөн тухайн үнэртэй усны өнгө, үнэр нь хүртэл өөр өөр байгааг та анзаарах болно.

Түгээх
СЭТГЭГДЭЛ ҮЛДЭЭХ

Leave a Reply

Your email address will not be published. Required fields are marked *