2023 оны эхний дөрвөн сард Монгол Улсын нийт импорт 2.7 тэрбум ам.долларт хүрч, 13.2 хувиар өссөн үзүүлэлттэй байна. Түүнчлэн машин, тоног төхөөрөмж, тэдгээрийн эд ангийн импорт 31.5 хувиар өссөн байна. Энэ оны эхний дөрвөн сарын байдлаар Монгол Улсад 18780 ширхэг суудлын автомашин, 5712 ширхэг ачааны автомашин импортлогдсон байна. Энэ нь импортын өсөлтөд чухал нөлөө үзүүлжээ.
Импортын бүтцийг авч үзвэл нийт импортын:
- 10.8 хувийг хүнсний бүтээгдэхүүн
- 21.1 хувийг нефтийн бүтээгдэхүүн
- 37.3 хувийг автомашин, машин механизм, техник тоног төхөөрөмж тэдгээрийн эд анги
- 30.8 хувийг бусад бараа бүтээгдэхүүн эзэлж байна.
