“Air India” компанийн Лондон руу чиглэж байсан олон улсын нислэг хөөрснөөс хойш удалгүй осолдож, 242 хүнээс ердөө ганцхан хүн амьд үлдсэн харамсалтай хэрэг гарсан. Энэ аймшигт явдлаас ганц амьд үлдэгч Вишваш Кумар Рамеш BBC-д ярилцлага өгөхдөө өөрийгөө “хамгийн азтай хүн” гэж мэдэгдсэн ч бие махбод болон сэтгэл санааны хувьд ихээхэн хохирсон байна. Тэрбээр ахтайгаа хамт зорчиж явсан боловч ах нь харамсалтайгаар амиа алдсан юм.
Тэрбээр Лестер дэх гэртээ буцсаныхаа дараа айдас, сэтгэл гутралтай тэмцэж ч байгаа ч цаашид ажиллах, машин жолоодох боломжгүй болсон байна. Одоогоор мөрдөн шалгах ажиллагаа үргэлжилж байгаа бөгөөд Air India компанийн зүгээс Рамеш болон бусад гэр бүлийнхэнд анхаарал тавихаа амласан байна.
Гэвч осол гарсны дараа гэр бүлийнх нь бизнес дампуураад зогсохгүй түүний зөвлөхүүд Air India-тай гурван удаа уулзахыг хүссэн ч чадалгүй, эсэргүүцэлтэй тулгарсан гэжээ. Тиймээс Рамеш олон нийтэд дахин хандсан байна.
