Өнгөрсөн гуравдугаар сард Вилл Смит Оскарын тайзан дээр гарч ирээд халцрах өвчтэй эхнэр Жада Пинкетт Смитийнхээ үсний тухай хошигнолын хариуд Крис Рокыг оскарын тайзан дээр олон мянган хүмүүсийн өмнө нүүр рүү нь алгадсан юм.
Тухайн үед Лос Анжелесийн цагдаа нар Рокоос Смитийн эсрэг мэдүүлэг өгөхийг хүсч байгаа эсэхийг асуусан боловч тэр татгалзсан бөгөөд тэр цагаас хойш энэ талаар олон нийтэд мэдээлэл хийгээгүй юм.
Крис Рок: “Хүмүүсийн асуудаг нийтлэг зүйл бол “өвдсөн үү?”
Тийм ээ, өвдөлгүй л яахав. Тэр чинь Мухаммад Алигийн дүрд тоглосон. Би харин нэг муу Пүүкийн дүрд л тоглож байсан шд. Хүүхэлдэйн киногоор зүйрлэх юм бол би тахь, тэр хараал идсэн аварга загас. Смитэд цохиулсны дараа толгой эргээд, чих дүнгэнээд л явчихсан” гэж ярьжээ.
Крис Рок Вилл Смитэд алгадуулсан талаараа анх удаа ам нээлээ. Тэрбээр энэ үед юу мэдэрсэн, юу гэж бодсон талаараа “Chris Rock: Selective Outrage” нэртэй стэнд ап шоуныхаа үеэр ярьсан бөгөөд уг шоу бүрэн эхээрээ гуравдугаар сарын 4-нөөс эхлэн “Netflix” платформоор үзэгчдэд хүрэх юм.
