Сонгууль дөхсөн энэ үед одоогийн Ерөнхий Сайд Оюун-Эрдэнийг дэмжихээ ил тодоор илэрхийлсэн олны танилуудын цуваа реппэр Сексцагаанбогдоор үргэлжлэв. Хоёр хоногийн өмнө буюу зургаадугаар сарын 1-нд реппэр Сексцагаанбогд өөрийн сошиал хаягтаа түүнийг дэмжинэ гэдэг дээрээ нэмээд дэмжих шалтгаанаа бичлэгээр дамжуулан илэрхийлжээ.
https://www.instagram.com/reel/C7qcpVDRyCI/?igsh=ZjdmbW10YWVxb3Bt
Гэвч олон нийт болон сонсогчдийн дийлэнхд түүний энэ үйлдэл нь эс таалагдав. Мэдээж ардчилсан улсын иргэн бүр үзэл бодлоо илэрхийлэх эрхтэй ч чухамдаа өмнө өмнөх олны танилуудын /Нисванисын Амгаа, жүжичин Амгаланбаатар, сагсчин Санчир, сагсанбөмбөгийн тайлбарлагч Идэр-Ууган, ONDO-н Анар/ адил гучин жилийн өмнөх хулгайтай тэмцэж байгаа хүн бол Оюун-Эрдэнэ, түүний засгийн газар зэрэг үгийг ашиглах нь “жинхэнэ үзэл бодол” мөн гэдэгт эргэлзээ төрүүлээд буй.
Түүний уг рийлс дор “энэхүү үйлдэл чинь инээд хүргэж байна”, “жоохон хүүхдүүд биднийг харж байгаа учраас хариуцлагатай байх хэрэгтэй шүү дээ”, “бидний хувьд маш чухал шийдвэр гаргах ийм цаг үед санал нийлэх зүйл дээрээ нэг тал болоод хамт зогсох байтал хоёр өөр талд зогсож байгаад харамсаж байна, бид ядаж хүмүүсийн төлөө өөртөө үнэнч байх хэрэгтэй шдээ”, “юу ч байсан ямар ч ялгаагүй л дээ бро, бид хүмүүсийн итгэлийг дааж, биднийг харж буй хүүхдүүдийг сайн сайханд үлгэрлэх үүрэг хариуцлагатай, чамайг зөв зүйл хийнэ гэдэгт итгэж байна, хүмүүс ч чамд итгэдэг. Энэ бичлэгт хүмүүс ямар хариу үзүүлж байгааг чи өөрөө ч харж байгаа байх” зэрэг сэтгэгдлүүдийг үлдээжээ. Түүний хувьд одоогоор сэтгэгдэл хэсгээ хаасан байна.
