Монгол орон даяар музейн нээлттэй өдрүүд энэ сарын тавныг дуустал үргэлжилнэ. Эл өдрүүдэд Төрийн болон орон нутгийн өмчийн бүх музей ижил журмаар, иргэдэд нээлттэй үнэ төлбөргүй үйлчилж байгаа юм.
Гэвч “Чингис хаан” үндэсний музей зөвхөн хөгжлийн бэрхшээлтэй иргэд, ахмад настан, хүүхдүүдээс бусад хүмүүст төлбөртэй үйлчилнэ гэж мэдэгдсэн нь иргэдийг бухимдуулаад байсан юм. Тэгвэл тус музей өнөөдрөөс тавныг дуустал бүх хүнд үнэгүй үйлчлэхээр болжээ.
