Эрдэнэтолгойн уулзвараас Шархадны эцэс хүртэлх авто замыг шинэчилж, хөдөлгөөнийг нээлээ.
Та бүхэн санаж байгаа бол өнгөрсөн жил Эрдэнэтолгой орчимд таван байршилд хөрсний ус гарч, Эрдэнэтолгойн гудамжны уулзвараас Газарчин дээд сургууль хүртэлх авто зам дагуу ус тогтож, зам эвдэрч, явахын эцэсгүй болсон.
Уг байршилд өнгөрсөн жил ГУББГ-ын залуучууд ажиллаж, хөрсний усыг Баганат хорооллын баруун талаар зүүн уулын сувагтай нийлүүлж, “Сүнжин гранд” зочид буудал орчмоор гаргаж, Туул гол руу нийлүүлж, зам дээр ус тогтохгүй болгож засварласан. Улмаас замын залуучууд замыг богино хугацаанд засварлаж, хөдөлгөөнийг нээж байв.
Тэгвэл энэ жил Эрдэнэтолгойн уулзвараас цааш Шархадны эцэс хүртэл замыг засварлаж, хөдөлгөөнийг нээгээд байна.
