БНТУ-д газар хөдлөлтийн улмаас үүссэн гамшгийн голомтод Монгол Улсын аврах баг үүргээ амжилттай гүйцэтгэж байна. Аврах багийн эмнэлгийн тусламж үзүүлэх гишүүд буюу Цэргийн төв эмнэлгийн эмч нар газар хөдлөлтөд нэрвэгдсэн нутгийн иргэдэд тусламж, үйлчилгээ үзүүлэхээр хээрийн эмнэлгээ дэлгэсэн тухай мэдээллийг ирүүллээ. Тэд ажлын байр бэлэн болмогц эмнэлгийн тусламж үзүүлэх ажилдаа шуурхайлан орох бөгөөд нутгийн иргэдтэй англи болон төрөлх хэлээр нь чөлөөтэй ярилцаж, ойлголцож байгаа ажээ.
Томилогдсон бүрэлдэхүүн нь БНӨСУ, Чад, Сьерра-Леон, Афганистан Улсад үүрэг гүйцэтгэсэн туршлагатай эмч, эмнэлгийн ажилтнууд юм.
Ташрамд дурдахад, газар орны цагийн байдлаас үүдэн цэргийн эмнэлгийн баг үндсэн бүрэлдэхүүнээс 20 километрийн зайд Турк, Сирийн хил орчимд БНТУ-ын Зэвсэгт хүчний хамгаалалтад орон нутгийн эрүүл мэндийн төвийн бүрэлдэхүүнтэй хамтран үүрэг гүйцэтгэж байна.
