Монгол Улсын Ерөнхийлөгч Ухнаагийн Хүрэлсүх Бүгд Найрамдах Турк Улсын Ерөнхийлөгч Режеп Тайип Эрдоанд эмгэнэл илэрхийлжээ.
ЭМГЭНЭЛД:
“Эрхэмсэг ноён Ерөнхийлөгч өө,
Бүгд Найрамдах Турк Улсын зүүн өмнөд хэсгийн мужуудад болсон хүчтэй газар хөдлөлтийн улмаас олон хүний эрдэнэт амь эрсдэж, гэмтсэнд Монгол Улсын ард түмний нэрийн өмнөөс гүн эмгэнэл илэрхийлье.
Энэ хүнд цаг мөчид бид туркийн ард түмэнтэй зүрх сэтгэлээрээ хамт байж, уй гашуу, гарз хохирлыг Бүгд Найрамдах Турк Улс бүх нийтийн хүчин чармайлтаар богино хугацаанд даван туулна гэдэгт итгэж байгаагаа илэрхийлье” гэжээ.
Туркт хүчтэй газар хөдөлсний улмаас 2379 хүн амиа алдаж, 14 483 хүн гэмтэж бэртээд байгаа талаар тус улсын дэд Ерөнхийлөгч Фуат Октай мэдээлсэн. Газар хөдлөлтийн улмаас 4747 байшин барилга нурсан бөгөөд 7840 хүнийг нурангин дороос аварсан гэж Ф.Октай мэдээлэл өгөх үеэрээ нэмж хэлжээ.