Энэтхэгийн хамгийн том агаарын тээврийн компани эмэгтэй аялагчдад нислэгийн суудлаа сонгохдоо бусад эмэгтэйчүүд хаана сууж байгааг харах боломжийг олгодог шинэ функцийг саяхан нэвтрүүллээ.
2006 онд байгуулагдсан IndiGo тээвэрлэгч компани нь өдөрт дотоодын болон олон улсын 2000 гаруй нислэг үйлддэг. IndiGo нь эмэгтэйчүүдэд бусад эмэгтэйчүүдийг хаана сууж байгааг харах боломжийг олгох шалтгаанаа тодорхойлсонгүй. Гэсэн ч “экономи класс” нислэгийн үеэр эмэгтэйчүүд, хүүхдүүдийн эсрэг халдсан хэрэг дэлхий даяар тогтмол бүртгэгддэг байна.
АНУ-д нисэх онгоцон дахь гэмт хэрэг нь Холбооны мөрдөх товчооны эрх мэдэлд хамаардаг. Дөрөвдүгээр сард гаргасан тайландаа онгоцон дахь бэлгийн хүчирхийллийн талаарх мэдлэгийг дээшлүүлэх зорилготой ажилласан гэж мэдээлсэн юм. 2023 онд нислэгийн үеэр бэлгийн хүчирхийллийн 96 хэрэг бүртгэгджээ.
Эх сурвалж – https://edition.cnn.com/2024/05/31/travel/indigo-indian-airline-female-travelers-seating-intl-hnk/index.html
Бэлтгэсэн дадлагажигч оюутан Э.Номин
