Өөрт төрж буй мэдрэмжээ гадагшлуулж, сэтгэл хөдлөлөө илэрхийлж чадахгүй залгисаар л байна уу. Би дотогшоо зантай болохоор л, эсвэл тэд намайг ойлгохгүй буруугаар бодчихно, дотроо л хадгалчихвал мартагдчихна гэж боддог бол та энэ бодлоосоо салах хэрэгтэй. Яагаад гэвэл энэ нь Bottle up emotions гэх нэг төрлийн эмгэг бөгөөд мэдрэмжээ түгжсээр л байвал та маш их стрессийн мэдэрч цаашлаад таны чихрийн шижин, зүрхний өвчлөл үүсэх нөхцөлийг бүрдүүлж байдаг байна.
Мэдээж сэтгэл хөдлөлөө нуух, мэдрэмжээ түгжих болсон маш олон шалтгаан бий. Жишээ нь, бусдын бодлоос эмээх, хэн нэгэнд итгэх итгэлээ алдах, бага насны хар бараан дурсамж, өөрийгөө илэрхийлэх чадвар муу гэх мэт.
Гэвч энэ байдлаар удаан явбал эцэст нь та өөрийгөө болон өөртөө итгэх итгэлээ алддаг.
Харин өөрт төрөх мэдрэмжээ эмээлгүй илэрхийлж, бусадтай хуваалцсанаар мэдрэлийн систем тэнцвэржиж, аливаа зүйлийг илүү өргөн хүрээнд харах боломжийг нээж өгдөг ажээ.
