Бэлгийн замаар дамжих халдвар буюу БЗДХ гэдэг нь бэлгийн хавьтлын үед нэг хүнээс нөгөөд дамжих халдварыг хэлдэг. БЗДХ-ууд нэг хүнээс нөгөөд бэлгийн хавьтлын олон хэлбэрээр дамжих боломжтой байдаг. Тэдгээр төрөлд бэлгэ
эрхтэнг үтрээнд шургуулах, эсвэл анус буюу хошногоны нүхэнд шодойг углах, эсвэл амаар бэлгийн харьцаанд орох (шодойг аманд хийх, эсвэл үтрээг амаараа өдөөх) зэргийг хамруулан ойлгож болно. Зарим тохиолдолд халдвар авсан хүний үтрээ, эсвэл шодой нөгөө хүний бэлэг эрхтэнтэй шүргэлцэхэдхалдвар дамжих нь бий.
Халдварыг төгс эмчлэхгүй бол аюултай. Ихэнх БЗДХ-ууд эмийн эмчилгээгээр эмчлэгддэг. Хэрэв халдварыг эрт үед нь эмчлэхгүй бол дараах ноцтой хүндрэлүүд бий болдог. Үүнд: эрэгтэй, эмэгтэй аль алинд нь үргүйдэл, хүүхэд нь хугацаанаасаа эрт төрөх, дутуу төрөх, бага жинтэй хүүхэд төрүүлэх, харааны хөгжлийн бэрхшээлтэй хүүхэд төрөх, умайн гадуурх жирэмслэлт, умайн хүзүүний хавдар болон үхэлд хүргэнэ.
БЗДХ-ын шинж тэмдэг:
Дараах шинж тэмдгүүдийн нэг буюу түүнээс олон шинж таньд илэрвэл халдвар
авсан байх эрсдэлтэй гэж үзнэ. Үүнд:
- Үтрээнээс юм гарах
- Үтрээнээс эвгүй үнэртэх
- Хэвлийн доод хэсгээр өвдөх, хэвийн бус мэдрэмж төрөх, ялангуяа шодой
үтрээгээр бэлгийн хурьцал үйлдэхэд энэ мэдрэмж ихээр мэдрэгдэх - Бэлэг эрхтний орчмоор загатнах, хорсох, булдруу, яр шарх гарах
Хөгжлийн бэрхшээлийн төрлөөс шалтгаалаад танд эдгээр шинж тэмдэг байгааг
хэлэхэд хүндрэлтэй байж магадгүй. Тийм болохоор та өөрийн итгэж явдаг хүнээс
БЗДХ-ын шинж тэмдэг мөн эсэхийг шалгаж өгөхийг гуйх хэрэгтэй байх.
Хэрэв танд дараах шинж тэмдгээс илэрвэл нэн даруй мэргэжлийн эмчид хандах хэрэгтэй. Дур мэдэн гэрээр эмчлэх, эмчийн заавраар бус эм тариа хэрэглэх нь өвчнийг даамжруулж хүндрүүлэхг шалтгаан болно.
