Хүндэт уншигчдадаа баасан гарагийн мэнд хүргэе. Хэн нэгний амьдралд учирсан хамгийн гэгээлэг, тухтай хүн байна гэдэг сайхан. Тэгвэл таны амьдралд байдаг, таныг инээмсэглүүлдэг тэр хүнээ бодон энэ шүлгийг уншаасай гэж хүсье.
Бүр нэг сэтгэлээр уначихаад
Юу ч бодож чадахгүй суухад, гэнэт
Тэнгэрээс шүлэг шивнэх шиг
Чиний инээмсэглэл
Бүхний нүдэнд илүүдэж
Тэнэгийн өмнө хүчгүйдэхийн үес
Бурхан нүдээ ирмэн тайвшруулах шиг
Чиний инээмсэглэл
Энэ амьдралын хүлцэшгүйтэй
Элдэв хүмүүсийн тэвчишгүйтэй
Эвлэрэх ганц зам
Чиний инээмсэглэл
Надад байгаа цорын ганц хөрөнгө,
Наранд ганцаар хүрчихсэн мэт
Тийм өндөрт аваачдаг
Чиний инээмсэглэл.
