“MORNING BIRD” булангийн уншигчдадаа баасан гарагийн мэнд хүргэе. Ажлын долоо хоногийн сүүлийн өдрийнхөө өглөөг “Ө эгч”-ийн “Моддын дээр цас орно” шүлгээр эхлүүлцгээе.
Моддын дээр цас орно
Өнгө нь хувирсан сүүлчийн навчис
Өвдөж байгаа болов уу, гуниглаж байгаа болов уу?
Агуу их нам гүм – цас
Агуу их амьдрал – нулимс
Агуу их үхэл – намар
Аль алинаас нь би харцаа салгаж чадахгүй нь ээ
Моддын дээр цас орно
Зүрхнээс нь минь нэг нэгээрээ одож буй хүмүүсийн төлөө
Навч шиг тасран одож буй тэдний төлөө
Зүйрлэшгүй их шаналсан минь өчигдрийнх, зуных …
Моддын дээр цас орно
Харин одоо цээжинд минь аль хэдийнээ гэрэл
Хачин нам гүм цас моддын дээр
