Өнөөдөр ХӨСҮТ-өөс Covid-19-ийн шинэ хувилбарын эмнэлзүйн шинж тэмдэгийн талаар мэдээлэл хийлээ.
Шинээр бүртгэгдсэн гэх омикроны халдвар хүнээс хүнд өмнөх хувилбаруудаас илүү хурдан тархдаг бөгөөд халдварлах чадвар өндөр гэдгийг ДЭМБ сануулж байгаа билээ.
Энэ талаар ХӨСҮТ-ийн дэд захирал Ж.Байгалмаа хэлэхдээ “Оны 44 дүгээр долоо хоногт КОВИД-19-ийн 700 гаруй тохиолдол бүртгэгдсэн нь өмнөх долоо хоногоосоо хоёр дахин нэмэгдсэн үзүүлэлт. Мөн PCR шинжилгээнд эерэг эзлэх хувь хоёр дахин нэмэгдэж, таван хувьд хүрсэн. Тархалтын түвшинг улсын хэмжээнд авч үзвэл “Ногоон” байгаа ч цөөн хэдэн аймагт “Шар” болсон” гэжээ.
Түүнчлэн коронавирусийн хувилбарын тандалтын талаар “48 сорьцод хувилбарын тандалт хийхэд 37 сорьцод Омикроны ВА.5.2 хувилбар илэрсэн. Мөн нэг сорьцод BF.1, таван хүнд BQ.1.2 хувилбар илрээд байгааг мэдээлсэн юм.
Шинж тэмдэг нь: Эмнэлзүйн шинж тэмдэг нь хоолой өвдөх, ядарч сульдах, ханиалгах шинж илэрч байна. Өмнө нь илэрч байсан шинж тэмдгүүдтэй адил. Илүү хүнд эмнэлзүйн шинж илрээгүй.
