‘”Хавдрын эсрэг үндэсний аян”-ыг 14 дахь жилдээ хэрэгжүүлж буй. Уг аяны хүрээнд есдүгээр сарын 2-6-нд Баян-Өлгий аймагт хавдар судлалын үндэсний төвийн эмч, ажилчид ажиллав.
Уг аянаар Хавдар судлалын үндэсний төвийн толгой хүзүүний хавдрын мэс заслын эмч Г. Ариунбаатар, хими эмчилгээний эмч Ц. Цолмонтуяа, хөнгөвчлөх эмчилгээний эмч Л. Мөнгөнцэцэг, эмэгтэйчүүдийн мэс заслын их эмч Д.Жаргал, дүрс оношлогооны эмч Э.Хишигдорж, элэг, цөс нойр булчирхайн мэс заслын эмч Д. Цэрэндорж, ерөнхий мэс заслын эмч О.Баатархуяг , дурангийн эмч Б.Идэрцэцэг, хөхний эмч Д.Саранзаяа, эмгэг судлаач эмч Х.Гэрэлээ нар ажиллаж давхардсан тоогоор 1660 үзлэг хийн, хортой хавдар- 11, хортой гэж сэжиглэгдсэн-33, хоргүй хавдар- 96 тохиолдлыг илрүүлсэн байна.
Үзлэгийн явцад 73 эс, 49 эдийн шинжилгээ хийсэн байна.
Хоргүй хавдар авах мэс ажилбар-7, бамбайн хавдрын мэс засал-3 хийгдэв.
“Зонхилон тохиолдох хорт хавдрын эрт илрүүлэлт, оношилгоо, эмчилгээ” сэдэвт нэг багц цагийн сургалт болон ажлын байрны сургалтыг зохион байгуулж, 67 эмч мэргэжилтнийг хамруулав.
Иргэдэд эрүүл мэндээ хамгаалах, эрт илрүүлгийн талаар мэдээлэл түгээх, салбар дундын хамтын ажиллагааг сайжруулах зорилгоор сайн дурын идэвхитэн бэлтгэх сургалтыг зохион байгуулж ХААН банкны Баян-Өлгий аймгийн салбарын 30 гаруй ажилтнуудыг хамруулжээ.
