Орчин цагийн урлагийн ертөнцөд ардын дууг өөрийн өвөрмөц хоолой, донж маягаар чимж яваа Соёлын тэргүүний ажилтан Гантөгсийн Эрдэнэчимэг анхны бие даасан “Огторгуйн охин” тоглолтоо арваннэгдүгээр сарын 4-ний өдөр 19.00 цагаас ганцхан удаа Монгол бөхийн өргөөнд зохион байгуулах гэж байна. Түүний Мөнх тэнгэрийн хурай, Хонгор үр минь, Нэг голын ус, Зургаан ханатай гэр минь, Огторгуйн охин тэргүүтэй уран бүтээл нь олны дунд алдартай билээ. Тэрбээр, “Огторгуйн охин” тоглолтынхоо өмнө “Таминээ” шинэ уран бүтээлээ олны хүртээл болгосон юм.
