Унгар Улсын Засгийн газраас олон улсын оюутнуудад олгодог тэтгэлэгт хөтөлбөрөө зарлалаа. Уг Stipendium Hungaricum тэтгэлэг нь Бакалавр, Магистр, Бакалавр, магистрын хосолсон хөтөлбөр, Докторын зэрэгт суралцах гадаад оюутнуудад Унгарын их, дээд сургуулиудад суралцах боломжийг олгодог.
Тэтгэлэгт:
Сургалтын төлбөр
Сар бүрийн амжиргааны тэтгэлэг
Оюутны дотуур байраар хангах эсвэл байрны зардлын тодорхой хэмжээний дэмжлэг
Эрүүл мэндийн даатгал зэрэг зүйлс багтана.
Сонгон шалгаруулалт хоёр үе шаттай:
1-р шат: Монгол Улсын Боловсролын яамнаас хүсэлтийн материалыг хянаж, тогтоосон тоонд багтаан шалгаруулна.
2-р шат: Эхний шатанд тэнцсэн өргөдөл гаргагчид сонгосон их сургуулийн элсэлтийн шалгалтад оролцоно. Шалгалтын хэлбэр, хугацаа нь сургууль бүрд өөр байна.
Эцсийн шийдвэрийг Унгарын Темпус олон нийтийн сан болон хүлээн авч суралцуулах сургууль гаргана.
Тэтгэлгийн онцлох хугацаанууд
2026.11.17-01.15 Өргөдөл хүлээж авна.
2027 оны 2-р сар: Монголын талын эхний шатны шалгаруулалт
2027 оны 6-р сарын 1-нээс: Эцсийн хариу гарч эхэлнэ.
