Хог шатаах зөвхөн утаа биш хорт бодисуудыг давхар ялгаруулдаг. Ялангуяа хуванцар, резин, даавуу, батарей, холимог хогийг ил задгай шатаах үед:
- Диоксин, фуран
- PM2.5, PM10 тоосонцор
- Хүнд металл (хартугалга, кадми, мөнгөн ус г.м)
- Бензол, формальдегид
- Нүүрстөрөгчийн дутуу исэл болон бусад хорт хий ялгарч болно.
Ил задгай хог шатаах үед үүсэх утаа нь амьсгалын зам, уушги болон зүрх судас, мэдрэл, нөхөн үржихүйн эрүүл мэндэд сөргөөр нөлөөлөхөөс гадна зарим хорт бодист удаан хугацаагаар өртөх нь эрүүл мэндийн ноцтой эрсдэлийг нэмэгдүүлж болзошгүй гэдгийг Нийгмийн эрүүл мэндийн үндэсний төвөөс анхаарууллаа.
