Хэдхэн жилийн өмнө хүмүүс Gen Z үеийг ухаалаг утас, сошиал медиаг хамгийн их ашигладаг үе гэж тодорхойлдог байсан. Харин 2026 оны эхээр үүний эсрэг нэгэн сонирхолтой хандлага хүчтэй дэлгэрэв. Тэр бол “Analog Bag” гэх трэнд. Analog Bag гэдэг нь утаснаас түр холдож, чөлөөт цагаа илүү утга учиртай өнгөрүүлэхийн тулд ном, тэмдэглэлийн дэвтэр, үзэг, хальсан камер зэрэг дэлгэц шаарддаггүй зүйлсийг цүнхэндээ авч явах дадал юм.
Энэхүү трэнд нь анхаарал, цаг хугацаагаа илүү ухамсартайгаар өнгөрүүлэх шинэ амьдралын хэв маяг бөгөөд “Analog Bag”-д ном, дэвтэр, ретро камер, зургийн дэвтэр гэх мэт зүйл байх аж.
