BIG BANG хамтлагийн гишүүн G-Dragon хар тамхи хэрэглэсэн хэргээр шалгагдаж байгаа гэх мэдээлэл цацагдаж эхэлсэн. Тэгвэл уг асуудалд G-Dragon өөрийн хууль ёсны төлөөлөгч “K1 Chamber” хуулийн фирмийн хуульч Kim Soo Hyun-р дамжуулан албан ёсны тайлбар өглөө.
Тэрбээр “Юуны өмнө намайг хар тамхи хэрэглэсэн гэдэг мэдээлэл худал. Сүүлийн үед хэвлэл мэдээллийн хэрэгслээр цацагдсан Хар тамхитай тэмцэх тухай хуулийг зөрчсөн гэх мэдээлэлд би ямар ч хамааралгүй болохоо хэлмээр байна. Олон хүн санаа зовниж байгааг мэдэж байгаа тул цагдаагийн зүгээс явуулж буй мөрдөн байцаалтын ажиллагаанд идэвхтэй оролцож, хамтран ажиллах болно” гэжээ.