Өмнөд Солонгосын жүжигчин Хан Су Хи Францын их сургуульд элсэж ойрын хугацаанд дахин уран бүтээлд оролцох боломжгүй гэсэн цуурхал үргэлжилсээр байгаа. Тэгвэл энэ асуудалд 9ato энтертайнмент өчигдөр албан ёсны мэдээлэл өгсөн байна. Уг мэдээлэлд “Хан Су Ги-ийн нэвтрүүлгийн үеэр хэлсэн бүхэн үнэн. Тэр үнэхээр Францад Их Сургуульд элссэн. Бусад мэдээлэл нь хувийн шинж чанартай тул задлах боломжгүй” гэжээ.
Тэрээр саяхан нэрт продюсер На Юн Сеокийн хөтөлдөг YouTube суваг дээрх нэвтрүүлэгт оролцсон юм. Нэвтрүүлгийн үеэр хөдөөний сурагч ахлах ангидаа Сөүл рүү нүүж ирсэн үеийг нь ярилцаж байв. Энэ талаар ярьж байхдаа Хан Су Хи “Тиймээ миний цаашдын төлөвлөгөөнд Францын сургуульд элсэх боломж байсан ч виз авахын тулд дансандаа 60 сая вон байршуулах шаардлагатай байсан. Би хаанаас 60 сая вонтой болохоо мэдэхгүй байсан ч гурван ажил зэрэг хийж байлаа. Шар айрагны газарт 12 цаг ажиллавал 1.8 сая, хоёр цаг загвар өмсөгчөөр ажиллахад 3 сая вон авна. Мөн уушийн сурталчилгаа хийж 20 сая вонтой болж Франц руу явна гэж бодож байсан ч одоо би энд байна. Гэхдээ удахгүй явах болно” гэжээ.
Яг эдгээр ярьсан зүйлийг хөтлөгч лавшруулж асуугаагүй нь болон Франц явахад 60 сая вон хэрэгцээтэй байсан нь үнэнд нийцэхгүй гэж үзэгч сонсогчид маргаж байгаа юм. Тэд мөн Францын сургуульд элсэхэд ихэвчлэн DELF буюу франц хэлний түвшин тогтоох шалгалтын гэрчилгээ шаардагддаг гэдгийг онцолж, нотлох баримт өгөхийг шаардаж байгаа аж. Үгүй бол түүнийг худал хэлж олон өсвөр насны хүүхдүүдийг төөрөгдөлд оруулах эрсдэлтэй гэж үзэж байгаа юм.
Korea Times
