BLACKPINK хамтлагийн гишүүн Жисү хоёрдугаар сарын 14-нд худалдаанд гарах “AMORTAGE” нэртэй шинэ цомгоо гаргасны дараа Ази даяар бие даасан фэн уулзалтын аялан тоглолтоо хийнэ.
Түүний агентлаг болох BLISSOO өчигдөр буюу лхагва гарагт мэдээлэхдээ, Жисү цомгийнхоо нээлтийн өдрөөр Сөүлийн Ганнам дүүрэг дэх CGV Cheongdam CineCity-д “SOO IN LOVE” хэмээх фен уулзалтын тусгай арга хэмжээг эхлүүлнэ гэжээ.
Үүний дараагаар “LIGHTS, LOVE, ACTION!” нэртэйгээр оны эхний хагаст Ази дахь аялан тоглолтоо үргэлжлүүлнэ гэв. Одоогоор Манила, Бангкок, Токио, Макао, Тайбэй, Хонг Конг, Ханой гэсэн долоон хотоор аялах төлөвлөгөөгөө баталжээ.
Энэ нь Жисү 2016 онд YG Entertainment-ийн удирдлага дор BLACKPINK K-pop хамтлагийн гишүүнээр дэбүтээ хийснээс хойшхи анхны бие даасан Азийн аялан тоглолт болж байгаа юм.
Үүний зэрэгцээ, Жисүгийн шинэ EP “AMORTAGE” нь 30 настай дуучин бүсгүйн хувьд хоёр жилийн дараах бие даасан уран бүтээл нь болж байгаа юм.
Шинэ цомгийн нэр нь “Amor” буюу хайр гэсэн франц үг, “Montage” хэмээх кино найруулгын арга техникийг хослуулсан бөгөөд энэ нь түүхийг өгүүлэх өвөрмөц арга барилыг бэлэгддэг. Дууны жагсаалтад “Earthquake”, “Your Love”, “TEARS”, “Hugs & Kisses” гэсэн дөрвөн шинэ дуу багтсан бөгөөд Жисү дуу бичих ажилд гар бие оролцжээ.
BLISSOO: Мөн удахгүй болох аялан тоглолт нь “AMORTAGE”-ийн үзэл баримтлалыг тусгасан кино урлагийн элементүүдийг харуулах болно хэмээн онцолжээ.
