YouTube Kids-ийг хүүхдэд хамгийн аюулгүй болгох бүрэн ТОХИРГОО

YouTube Kids бол хүүхэд бүрийн насанд тохирсон контент бүхий YouTube-ийн тусдаа аппликэйшн юм.

YouTube Kids-ийн тохиргоог бүрэн гүйцэт, зөв хийвэл таны хүүхэд Youtube-ийн орчинд аюулгүй нэвтрэх юм.

Нэгдүгээрт: Насны тохиргоо

Апп–ыг анх нээх үед:

• “Preschool” – (4 хүртэл настай)

• “Younger” – (5–7 настай)

• “Older” – (8–12 настай) гэсэн сонголттой.

Насны ангиллыг буруу сонговол таны хүүхдийн нас, сэтгэлгээний онцлог тохирохгүй контент гарч ирэх боломжтой.

Хоёрдугаарт: “Approved Content Only” – Зөвшөөрсөн видео гарах онцгой горим

Энэ горимыг асаавал:

 Хүүхэд зөвхөн таны сонгосон сувгууд

 Таны зөвшөөрсөн нэвтрүүлэг

 Тусгай playlist–үүдийг л үзнэ.

Уг тохиргоог хийхийн тулд Settings → Child → Approved content only → ON цэсийг идэвхжүүлээрэй. Энэ нь хамгийн найдвартай горим.

Гуравдугаарт: Хайлт хийх боломжийг хаах

Хүүхэд өөрөө хайлт хийх боломжтой бол тохиромжгүй бичлэг, онтент руу нэвтрэх боломжтой.

Уг тохиргоог хийхийн тулд Settings → Child → Search → OFF цэсийг идэвхжүүлээрэй. Энэхүү Search Off тохиргоо нь зөвхөн зөвшөөрсөн нөхцөлт видео, контентыг дэмжинэ.

Дөрөвдүгээрт: Screen Time / Timer

YouTube Kids-д дотроо цагийн хязгаарлалт бий.

Уг тохиргоог хийхийн тулд Timer → 10–60 минут цэсийг идэвхжүүлээрэй. Энэ тохиргоог идэвхжүүлсэн бол таны сонгосон цаг дуусахад аппликэйшн автоматаар түгжигдэнэ. (Хэрэв илүү нарийн хязгаарлах бол Family Link ашиглаж болно.)

Тавдугаарт: History – Үзсэн болон хайсан зүйлсийг хянах

Энэ цэснээс та хүүхдийн үзсэн видео, контентуудыг хянах боломжтой.Мөн яг одоо үзэж буй контентыг ч харж болно. Хэрэв таны хяналтаар тохирохгүй видео байвал “Block” хийх боломжтой.

YOUTUBE KIDS аппликэйшнийг дараах линкээр нэвтэрч татаж авах боломжтой: https://www.youtube.com/kids/