K-pop урлагийн ертөнцөөс дэлхийн спортын хамгийн том тайз руу “Blackpink” хамтлагийн Лиза гарахаар болжээ. “The Athletic” спортын хэвлэлийн мэдээлснээр, тэрбээр Олон Улсын хөлбөмбөгийн холбоо болох FIFA-тай тоглолтын гэрээ байгуулсан байна.
Ингэснээр Лиза ирэх сард эхлэх 2026 оны Хойд, Төв Америк болон Карибын бүсийн хөлбөмбөгийн ДАШТ-ий нээлтийн ёслолд оролцох төлөвтэй байгаа аж.
Тус удаагийн дэлхийн аварга шалгаруулах тэмцээн Канад, АНУ, Мексик гэсэн гурван улсад зохион байгуулагдах тул нээлтийн арга хэмжээг ч мөн гурван хэсэгтэй хийхээр төлөвлөжээ. Лиза АНУ-ын Лос-Анжелес хот дахь “SoFi Stadium”-д болох нээлтийн тоглолтын өмнөх үзүүлбэрт оролцохоор болсон байна.
Тэрбээр АНУ болон Парагвайн шигшээ багийн тоглолтын өмнө тайзнаа гарах бөгөөд Katy Perry, Future, DJ Snake зэрэг уран бүтээлчидтэй хамт тоглолт үзүүлэхээр төлөвлөж байгаа талаар эх сурвалжууд мэдээлжээ.
